საქართველოს ფინანსთა სამინისტროს საგამოძიებო დეპარტამენტის შექმნის თაობაზე

საქართველოს პრეზიდენტის

ბრძანებულება №494

2003 წლის 30 სექტემბერი

ქ. თბილისი

საქართველოს 2003 წლის სახელმწიფო ბიუჯეტით გათვალისწინებული საქართველოს ფინანსთა სამინისტროს სისტემის ორგანოების საშტატო რიცხოვნობისა და ასიგნებების ფარგლებში, „საქართველოს ფინანსთა სამინისტროს საგამოძიებო დეპარტამენტის შესახებ“ საქართველოს კანონის თანახმად და „აღმასრულებელი ხელისუფლების სტრუქტურისა და საქმიანობის წესის შესახებ“ საქართველოს კანონის მე-8 მუხლის საფუძველზე:

1. საქართველოს ფინანსთა სამინისტროს გამგებლობაში 2003 წლის 1 ოქტომბერს შეიქმნას სახელმწიფო საქვეუწყებო დაწესებულება – საქართველოს ფინანსთა სამინისტროს საგამოძიებო დეპარტამენტი (შემდგომში – საგამოძიებო დეპარტამენტი).

2. საქართველოს ფინანსთა სამინისტრომ (მ. გოგიაშვილი) 2003 წლის 1 ოქტომბრამდე უზრუნველყოს:

ა) საგამოძიებო დეპარტამენტის დებულების, სტრუქტურისა და საშტატო ნუსხის დამტკიცება;

ბ) საგამოძიებო დეპარტამენტის თავმჯდომარის კანდიდატურის წარმოდგენა კანონმდებლობით დადგენილი წესის თანახმად მისი დანიშვნის მიზნით.

3. საქართველოს ეკონომიკის, მრეწველობისა და ვაჭრობის სამინისტრომ (გ. გაჩეჩილაძე) უზრუნველყოს საქართველოს ფინანსთა სამინისტროს საგამოძიებო დეპარტამენტის ფუნქციონირებისათვის საჭირო სახელმწიფო ქონების გადაცემა კანონმდებლობით დადგენილი წესით.

ე. შევარდნაძე