|
საქართველოს ორგანული კანონის „ადგილობრივი თვითმმართველობის კოდექსის“ 41-ე მუხლის მე-3 პუნქტის, 61-ე მუხლის 1-ლი და მე-2 პუნქტების, საქართველოს კანონის ,,საქართველოს ზოგადი ადმინისტრაციული კოდექსის“ 63-ე მუხლის და საქართველოს კანონის ,,ნორმატიული აქტების შესახებ“ მე-20 მუხლის მე-4 პუნქტის შესაბამისად, ქარელის მუნიციპალიტეტის საკრებულო
ადგენს: |
| მუხლი 1 |
ა) ქარელის მუნიციპალიტეტის საკრებულოს 2014 წლის 1 აგვისტოს №38 დადგენილების ,,ქარელის მუნიციპალიტეტის საკრებულოს წევრების უფლებამოსილების განხორციელებასთან დაკავშირებული ხარჯების ანაზღაურების შესახებ“ (www.matsne.gov.ge 07/08/2014 სარეგისტრაციო კოდი 010190040.35.144.016170) პირველი მუხლი ჩამოყალიბდეს შემდეგი რედაქციით:
,, მუხლი 1. 1.განისაზღვროს ქარელის მუნიციპალიტეტის საკრებულოს წევრების (გარდა თანამდებობის პირებისა) უფლებამოსილებათა განხორციელებისას გაწეული ხარჯების ანაზღაურების ლიმიტი (ზღვრული ოდენობა) თვეში 500 (ხუთასი) ლარის ოდენობით, შემდეგი კლასიფიკაციით: ა) საკრებულოს სხდომებში მონაწილეობა - 100 ლარის ოდენობით; ბ) საკრებულოს კომისიების მუშაობაში მონაწილეობა - 100 ლარის ოდენობით; გ) ამომრჩევლებთან შეხვედრები - 250 ლარის ოდენობით, აქედან: გ.ა) ამომრჩევლებთან შეხვედრები ქარელის მუნიციპალიტეტის შენობაში - 100 ლარის ოდენობით; გ.ბ) ამომრჩევლებთან გასვლითი შეხვედრები - თითოეული გასვლისათვის 50 ლარის ოდენობით, ანაზღაურებადია თვეში არა უმეტეს სამი შეხვედრა; დ) საკრებულოს წინაშე ანგარიშვალდებულ თანამდებობის პირებთან შეხვედრები - 50 ლარის ოდენობით. ბ) დადგენილებით დამტკიცებული მეორე მუხლის მე-3 პუნქტი ჩამოყალიბდეს შემდეგი რედაქციით: 3) ამ დადგენილების პირველი მუხლის „გ)“ და „დ)“ ქვეპუნქტებით გათვალისწინებული საქმიანობის აღრიცხვისათვის საკრებულოს წევრები ყოველი მომდევნო თვის 5 რიცხვამდე (თუ შესაბამისი თვის 5 რიცხვი ემთხვევა საქართველოს კანონმდებლობით გათვალისწინებულ უქმე ან/და დასვენების დღეს - მომდევნო სამუშაო დღეს) საკრებულოს თავმჯდომარეს წარუდგენენ მოხსენებით ბარათს, რომელშიც მითითებული უნდა იყოს ინფორმაცია ამომრჩევლებთან შეხვედრისა ან/და საკრებულოს წინაშე ანგარიშვალდებულ თანამდებობის პირებთან შეხვედრის შესახებ წინა თვეში.“ |
| მუხლი 2 |
დადგენილება ამოქმედდეს გამოქვეყნებისთანავე. |
|