საქართველოს მთავრობის
განკარგულება №2507
2014 წლის 26 დეკემბერი
ქ. თბილისი
„საქართველოს მთავრობის კანცელარიის მიერ სახელმწიფო შესყიდვის გამარტივებული შესყიდვის საშუალებით განხორციელების შესახებ“ საქართველოს მთავრობის 2013 წლის 1 ოქტომბრის № 1421 განკარგულებაში ცვლილების შეტანის თაობაზე
საქართველოს ზოგადი ადმინისტრაციული კოდექსის 63-ე მუხლის საფუძველზე, შეტანილ იქნეს ცვლილება „საქართველოს მთავრობის კანცელარიის მიერ სახელმწიფო შესყიდვის გამარტივებული შესყიდვის საშუალებით განხორციელების შესახებ“ საქართველოს მთავრობის 2013 წლის 1 ოქტომბრის № 1421 განკარგულებაში და:
1. განკარგულების სათაური ჩამოყალიბდეს შემდეგი რედაქციით:
„საქართველოს მთავრობის ადმინისტრაციის მიერ სახელმწიფო შესყიდვის გამარტივებული შესყიდვის საშუალებით განხორციელების შესახებ“.
2. განკარგულების ტექსტი ჩამოყალიბდეს შემდეგი რედაქციით:
„სახელმწიფო შესყიდვების შესახებ“ საქართველოს კანონის 101 მუხლის მე-3 პუნქტის „დ“ ქვეპუნქტის შესაბამისად, სახელმწიფოებრივი და საზოგადოებრივი მნიშვნელობის ღონისძიებების შეზღუდულ ვადებში შეუფერხებლად ჩატარების მიზნით, საქართველოს მთავრობის ადმინისტრაციამ ადმინისტრაციული შენობისა და მიმდებარე ტერიტორიის რეკონსტრუქციისა და აღჭურვილობისათვის საჭირო სამშენებლო სამუშაოების, საქონლის ან/და მომსახურების, ასევე შესაბამისი ავეჯის/ავეჯეულობისა და ტექნიკის სახელმწიფო შესყიდვა განახორციელოს გამარტივებული შესყიდვის საშუალებით 2015 წლის 31 დეკემბრის ჩათვლით.“.
პრემიერ-მინისტრი ი. ღარიბაშვილი