საქართველოს მთავრობის
განკარგულება №2139
2014 წლის 28 ნოემბერი
ქ. თბილისი
„საქართველოს დამოუკიდებლობის დღის - 26 მაისისადმი მიძღვნილი ზოგიერთი ღონისძიების დაფინანსების შესახებ“ საქართველოს მთავრობის 2014 წლის 23 მაისის №923 განკარგულებაში ცვლილების შეტანის თაობაზე
საქართველოს ზოგადი ადმინისტრაციული კოდექსის 63-ე მუხლის შესაბამისად, „საქართველოს დამოუკიდებლობის დღის - 26 მაისისადმი მიძღვნილი ზოგიერთი ღონისძიების დაფინანსების შესახებ“ საქართველოს მთავრობის 2014 წლის 23 მაისის #923 განკარგულებაში შეტანილ იქნეს ცვლილება და ტექსტი ჩამოყალიბდეს შემდეგი რედაქციით:
„საქართველოს დამოუკიდებლობის დღის - 26 მაისისადმი მიძღვნილი ღონისძიებების უზრუნველყოფის შესახებ“ საქართველოს მთავრობის 2014 წლის 16 მაისის №860 განკარგულების შესაბამისად და „საქართველოს დამოუკიდებლობის დღის - 26 მაისისადმი მიძღვნილი ღონისძიების ორგანიზების სამოქმედო გეგმის დამტკიცების შესახებ“ საქართველოს პრემიერ-მინისტრის 2014 წლის 19 მაისის №142 ბრძანებით დამტკიცებული სამოქმედო გეგმის ფარგლებში, საქართველოს კულტურისა და ძეგლთა დაცვის სამინისტროს და სსიპ - საზოგადოებრივი მაუწყებლის მიერ განსახორციელებელი ღონისძიებების დაფინანსების მიზნით, საქართველოს ფინანსთა სამინისტრომ, „საქართველოს 2014 წლის სახელმწიფო ბიუჯეტის შესახებ“ საქართველოს კანონით გათვალისწინებული საქართველოს მთავრობის სარეზერვო ფონდიდან გამოყოს 920 811 (ცხრაას ოცი ათას რვაას თერთმეტი) ლარი, მათ შორის:
ა) საქართველოს კულტურისა და ძეგლთა დაცვის სამინისტროსათვის - 726 845 (შვიდას ოცდაექვსი ათას რვაას ორმოცდახუთი) ლარი;
ბ) სსიპ - საზოგადოებრივი მაუწყებლისათვის - 193 966 (ას ოთხმოცდაცამეტი ათას ცხრაას სამოცდაექვსი) ლარი.“.
პრემიერ-მინისტრი ირაკლი ღარიბაშვილი