საქართველოს მთავრობის
განკარგულება №2106
2014 წლის 28 ნოემბერი
ქ. თბილისი
„ფეხბურთში 2015 წლის უეფას სუპერთასისთვის მოსამზადებელი სამთავრობო კომისიის შექმნისა და აღნიშნულთან დაკავშირებით განსახორციელებელი ღონისძიებების შესახებ“ საქართველოს მთავრობის 2014 წლის 20 ოქტომბრის № 1884 განკარგულებაში ცვლილების შეტანის თაობაზე
საქართველოს ზოგადი ადმინისტრაციული კოდექსის 63-ე მუხლის შესაბამისად, „ფეხბურთში 2015 წლის უეფას სუპერთასისთვის მოსამზადებელი სამთავრობო კომისიის შექმნისა და აღნიშნულთან დაკავშირებით განსახორციელებელი ღონისძიებების შესახებ“ საქართველოს მთავრობის 2014 წლის 20 ოქტომბრის № 1884 განკარგულებაში შეტანილ იქნეს ცვლილება და პირველი პუნქტი ჩამოყალიბდეს შემდეგი რედაქციით:
„ 1. „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-6 მუხლის პირველი პუნქტისა და 29-ე მუხლის პირველი პუნქტის შესაბამისად, ქ. თბილისში, 2015 წლის 11 აგვისტოს , ფეხბურთში 2015 წლის უეფას სუპერთასის მატჩის მაღალ დონეზე ორგანიზებისა და ჩატარების უზრუნველყოფის მიზნით, შეიქმნას ფეხბურთში 2015 წლის უეფას სუპერთასისთვის მოსამზადებელი სამთავრობო კომისია (შემდგომში - კომისია) შემდეგი შემადგენლობით:
კახა კალაძე - საქართველოს ენერგეტიკის მინისტრი, ვიცე-პრემიერი, კომისიის თავმჯდომარე;
დავით ნარმანია - ქალაქ თბილისის მუნიციპალიტეტის მერი , კომისიის თავმჯდომარის მოადგილე ;
ალუდა გოგლიჩიძე - ქალაქ თბილისის მუნიციპალიტეტის მერის მოადგილე ;
ლევან ყიფიანი - საქართველოს სპორტისა და ახალგაზრდობის საქმეთა მინისტრი;
აკაკი ლოდია - საქართველოს სპორტისა და ახალგაზრდობის საქმეთა მინისტრის მოადგილე;
საქართველოს ეკონომიკისა და მდგრადი განვითარების სამინისტროს წარმომადგენელი;
საქართველოს საგარეო საქმეთა სამინისტროს წარმომადგენელი;
საქართველოს შინაგან საქმეთა სამინისტროს წარმომადგენელი;
საქართველოს შრომის, ჯანმრთელობისა და სოციალური დაცვის სამინისტროს წარმომადგენელი;
საქართველოს ფინანსთა სამინისტროს წარმომადგენელი;
დომენტი სიჭინავა - ა(ა)იპ - საქართველოს ფეხბურთის ფედერაცის პრეზიდენტი;
რევაზ არველაძე - ა(ა)იპ - საქართველოს ფეხბურთის ფედერაცის გენერალური მდივანი.“.
პრემიერ-მინისტრი ი . ღარიბაშვილი