|
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის საფუძველზე, ვბრძანებ: |
| მუხლი 1 |
„საქართველოს შინაგან საქმეთა სამინისტროს საფინანსო-სამეურნეო დეპარტამენტის დებულების დამტკიცების თაობაზე“ საქართველოს შინაგან საქმეთა მინისტრის 2012 წლის 16 ნოემბრის №895 ბრძანებით (ვებგვერდი, 16/11/2012, სარეგისტრაციო კოდი – 010240030.22.034.016142) დამტკიცებულ დებულებაში შეტანილ იქნეს შემდეგი ცვლილება:
1. მე-3 მუხლის მე-2 პუნქტს დაემატოს შემდეგი შინაარსის „პ1“ ქვეპუნქტი: „პ1) საჭიროების შემთხვევაში ახორციელებს ავტომეურნეობის ბაზაზე სამინისტროს საბალანსო ერთეულების, სამინისტროს მმართველობის სფეროში მოქმედი სსიპ-ებისა და სახელმწიფო საქვეუწყებო დაწესებულების – საქართველოს სასაზღვრო პოლიციის ბალანსზე რიცხული სატრანსპორტო საშუალებების ტექნიკური გამართულობის შემოწმებას, მათ მიმდინარე ან/და კაპიტალურ შეკეთებას (ბაზაზე რესურსების არსებობის შემთხვევაში). შენიშვნა: აღნიშნული პუნქტი არ ვრცელდება სსიპ-ების მიერ საკუთარი შემოსულობებით შეძენილ და არასაბიუჯეტო მიზნებისათვის გამოყენებულ სატრანსპორტო საშუალებებზე.“. 2. მე-8 მუხლს დაემატოს შემდეგი შინაარსის „ბ1“ ქვეპუნქტი: „ბ1) საჭიროების შემთხვევაში ახორციელებს ავტომეურნეობის ბაზაზე სამინისტროს საბალანსო ერთეულების, სამინისტროს მმართველობის სფეროში მოქმედი სსიპ-ებისა და სახელმწიფო საქვეუწყებო დაწესებულების – საქართველოს სასაზღვრო პოლიციის ბალანსზე რიცხული სატრანსპორტო საშუალებების ტექნიკური გამართულობის შემოწმებას, მათ მიმდინარე ან/და კაპიტალურ შეკეთებას (ბაზაზე რესურსების არსებობის შემთხვევაში). შენიშვნა: აღნიშნული პუნქტი არ ვრცელდება სსიპ-ების მიერ საკუთარი შემოსულობებით შეძენილ და არასაბიუჯეტო მიზნებისათვის გამოყენებულ სატრანსპორტო საშუალებებზე.“.
|
| მუხლი 2 |
ბრძანება ამოქმედდეს გამოქვეყნებისთანავე.
|
|