|
„თეთრიწყაროს მუნიციპალიტეტის ტერიტორიაზე ადგილობრივი მოსაკრებლების შემოღების შესახებ“ თეთრიწყაროს მუნიციპალიტეტის საკრებულოს 2011 წლის 13 აპრილის №5/4 დადგენილებაში ცვლილების შეტანის თაობაზე
|
,,ნორმატიული აქტების შესახებ” საქართველოს კანონის მე-20 მუხლის საფუძველზე, თეთრიწყაროს მუნიციპალიტეტის საკრებულო
ა დ გ ე ნ ს: |
| მუხლი 1 |
„თეთრიწყაროს მუნიციპალიტეტის ტერიტორიაზე ადგილობრივი მოსაკრებლებლების შემოღების შესახებ“ თეთრიწყაროს მუნიციპალიტეტის საკრებულოს 2011 წლის 13 აპრილის №5/4 დადგენილებაში (სსმ, ვებგვერდი, 110414020, 18/04/2011, სარეგ. კოდი 210020010.35.157.016043) შეტანილ იქნეს შემდეგი ცვლილება:
1. დადგენილების პრეამბულა ჩამოყალიბდეს შემდეგი რედაქციით: „ადგილობრივი თვითმმართველობის კოდექსის 24-ე მუხლის პირველი პუნქტის ,,დ.ბ“ ქვეპუნქტის, ,,ნორმატიული აქტების შესახებ” საქართველოს კანონის მე-20 და 25-ე მუხლისა და საქართველოს კანონის ,,ადგილობრივი მოსაკრებლების შესახებ“ მე-3, მე-5, მე-6, 121 და მე-15 მუხლების საფუძველზე, თეთრიწყაროს მუნიციპალიტეტის საკრებულო ადგენს:“ 2. დადგენილებით დამტკიცებული დანართის თავი I-ის მე-3 მუხლს დაემატოს ,,ბ“ ქვეპუნქტი და მუხლი ჩამოყალიბდეს შემდეგი რედაქციით: „მუხლი 3. ა) მოსაკრებლის გადახდისაგან თავისუფლდება სტიქიური უბედურების შედეგად დაზიანებული ობიექტის მშენებლობა: ბ) მოსაკრებლის გადახდისაგან თავისუფლდება სახელმწიფოს 100 %-იანი წილობრივი მონაწილეობით შექმნილი კერძო სამართლის იურიდიული პირი, რომელიც მუნიციპალიტეტში შეასრულებს წყალმომარაგების სისტემის სამშენებლო-სარეაბილიტაციო სამუშაოებს.“. |
| მუხლი 2 |
დადგენილება ამოქმედდეს გამოქვეყნებისთანავე. |
|