საქართველოს მთავრობის
განკარგულება № 1784
2014 წლის 30 სექტემბერი
ქ. თბილისი
„არასამეწარმეო (არაკომერციული) იურიდიული პირის - სოფლის მეურნეობის პროექტების მართვის სააგენტოს ანგარიშზე თანხის გადარიცხვის შესახებ“ საქართველოს მთავრობის 2014 წლის 7 თებერვლის №195 განკარგულებაში ცვლილების შეტანის თაობაზე
საქართველოს ზოგადი ადმინისტრაციული კოდექსის 63-ე მუხლის შესაბამისად, „არასამეწარმეო (არაკომერციული) იურიდიული პირის - სოფლის მეურნეობის პროექტების მართვის სააგენტოს ანგარიშზე თანხის გადარიცხვის შესახებ“ საქართველოს მთავრობის 2014 წლის 7 თებერვლის №195 განკარგულებაში შეტანილ იქნეს ცვლილება და პირველი პუნქტი ჩამოყალიბდეს შემდეგი რედაქციით:
„1. საქართველოს სოფლის მეურნეობის სამინისტრომ , „საქართველოს 2014 წლის სახელმწიფო ბიუჯეტის შესახებ“ საქართველოს კანონით „შეღავათიანი აგროკრედიტების“ ქვეპროგრამით (პროგრამული კოდი - 37 01 07) გამოყოფილი ასიგნებებიდან, ამავე ქვეპროგრამით გათვალისწინებული ღონისძიებების დაფინანსებისათვის, 43 800 000 (ორმოცდასამი მილიონ რვაასი ათასი) ლარი მიმართოს არასამეწარმეო (არაკომერციული) იურიდიული პირის - სოფლის მეურნეობის პროექტების მართვის სააგენტოს ანგარიშზე.“.
პრემიერ-მინისტრი ი. ღარიბაშვილი