„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, „საჯარო სამართლის იურიდიული პირის - სახელმწიფო ქონების ეროვნული სააგენტოს დებულების დამტკიცების შესახებ“ საქართველოს მთავრობის 2012 წლის 17 სექტემბრის №391 დადგენილებაში (www.matsne.gov.ge, 17/09/2012, 010240010.10.003.017063) შეტანილ იქნეს ცვლილება და დადგენილებით დამტკიცებული დებულების მე-5 მუხლს დაემატოს შემდეგი შინაარსის:
1. „თ1“ ქვეპუნქტი:
„თ1) სამინისტროსთან შეთანხმებით განსაზღვრავს თანამშრომელთა მატერიალური წახალისებისა და დანამატებისათვის გამოსაყოფი სახსრების, აგრეთვე, სააგენტოს მიერ შესაძენი საწვავისა და გასაწევი საკომუნიკაციო ხარჯების ლიმიტებს;“.
2. „ლ1“ ქვეპუნქტი:
„ლ1) უფლებამოსილია, მინისტრთან შეთანხმებით, სააგენტოში დასაქმებული პირებისთვის დააწესოს დანამატი გარკვეული პერიოდის განმავლობაში (არა უმეტეს შესაბამისი საბიუჯეტო წლის ბოლომდე) სააგენტოს საქმიანობასთან დაკავშიერებული განსაკუთრებული სირთულის ან/და მნიშვნელობის დავალების შესრულებისათვის, აგრეთვე, სააგენტოს თავმჯდომარის ან/და უშუალო ხელმძღვანელის დავალებით, იმ სამუშაოს შესრულებისათვის, რაც სცდება დასაქმებულის უშუალო მოვალეობას, თუმცა, პირდაპირ არის დაკავშირებული სააგენტოს საქმიანობის მიზნებთან და ამოცანებთან;“.
|