საქართველოს კანონი
„საქართველოს სამხედრო ძალების რაოდენობის დამტკიცების შესახებ“ საქართველოს კანონში ცვლილებების შეტანის თაობაზე
მუხლი 1. „საქართველოს სამხედრო ძალების რაოდენობის დამტკიცების შესახებ“ საქართველოს კანონში (საქართველოს საკანონმდებლო მაცნე, №54, 20.12.2005, მუხ. 358) შეტანილ იქნეს შემდეგი ცვლილებები:
1. პირველი მუხლი ჩამოყალიბდეს შემდეგი რედაქციით:
„მუხლი 1. საქართველოს კონსტიტუციის 98-ე მუხლის მე-3 პუნქტის შესაბამისად დამტკიცდეს საქართველოს პრეზიდენტის მიერ წარმოდგენილი საქართველოს სამხედრო ძალების რაოდენობა – 28 000 (ოცდარვა ათასი) კაცი თანდართული მონაცემების შესაბამისად.“.
2. კანონის თანდართული მონაცემები საქართველოს სამხედრო ძალების რაოდენობის შესახებ ჩამოყალიბდეს შემდეგი რედაქციით:
„მონაცემები
საქართველოს სამხედრო ძალების რაოდენობის შესახებ 2006 წელს
| სამინისტროს დასახელება | პირადი შემადგენლობის რაოდენობა 2006 წელს |
| საქართველოს სამხედრო ძალების რაოდენობა სულ | 28000 |
| საქართველოს თავდაცვის სამინისტრო | 28000 |
“.
მუხლი 2. ეს კანონი ამოქმედდეს გამოქვეყნებისთანავე.
საქართველოს პრეზიდენტი მ. სააკაშვილი
თბილისი,
2006 წლის 27 ოქტომბერი.
№3631–IIს