საქართველოს ფინანსთა სამინისტროს საგამოძიებო სამსახურის სარგებლობაში არსებული უძრავი ქონების აუქციონის გარეშე, სარგებლობაში გადაცემაზე თანხმობის მიცემის შესახებ

საქართველოს მთავრობის

განკარგულება №1370

2014 წლის 5 აგვისტო

ქ. თბილისი

საქართველოს ფინანსთა სამინისტროს საგამოძიებო სამსახურის სარგებლობაში არსებული უძრავი ქონების აუქციონის გარეშე, სარგებლობაში გადაცემაზე თანხმობის მიცემის შესახებ

„სახელმწიფო ქონების შესახებ“ საქართველოს კანონის 36-ე მუხლის მე-2 პუნქტის შესაბამისად, საქართველოს ფინანსთა სამინისტროს საგამოძიებო სამსახურს მიეცეს თანხმობა, მის სარგებლობაში  არსებული, ქ. თბილისში, უნივერსისტეტის ქ. №2-ში მდებარე 375 კვ.მ უძრავი ქონების (მიწის (უძრავი ქონების) საკადასტრო კოდი №01.14.06.008.080) აუქციონის გარეშე, შპს „ZINI“-სათვის (ს/კ №430797836), 2014 წლის 1 აგვისტოდან 2015 წლის 1 აგვისტომდე, იჯარის ფორმით, კანონმდებლობით დადგენილი წესით, გადაცემის თაობაზე და სარგებლობაში გადაცემის ყოველთვიურ საფასურად განისაზღვროს 700 (შვიდასი) ლარი.

პრემიერ-მინისტრი                                                   ირაკლი ღარიბაშვილი