საქართველოს მთავრობის
განკარგულება №1366
2014 წლის 5 აგვისტო
ქ. თბილისი
საქართველოს მთავრობის 2013 წლის 8 ნოემბრის №289 დადგენილებით შექმნილი საქართველოს განათლებისა და მეცნიერების სამინისტროს მმართველობის სფეროში მოქმედი საჯარო სამართლის იურიდიული პირების – უმაღლესი საგანმანათლებლო დაწესებულებების ინფრასტრუქტურის განვითარების ხელშეწყობის მიზნით დაფინანსების გამოყოფის საკითხების შემსწავლელი უწყებათაშორისი კომისიის რეკომენდაციების მიღების თაობაზე
„საქართველოს განათლებისა და მეცნიერების სამინისტროს მმართველობის სფეროში მოქმედი საჯარო სამართლის იურიდიული პირების – უმაღლესი საგანმანათლებლო დაწესებულებების ინფრასტრუქტურის განვითარების ხელშეწყობის მიზნით დაფინანსების გამოყოფის საკითხების შემსწავლელი უწყებათაშორისი კომისიის შექმნისა და მისი დებულების დამტკიცების შესახებ“ საქართველოს მთავრობის 2013 წლის 8 ნოემბრის №289 დადგენილებით დამტკიცებული დებულების მე-6 მუხლის მე-2 პუნქტის შესაბამისად და ამავე დადგენილებით შექმნილი საქართველოს განათლებისა და მეცნიერების სამინისტროს მმართველობის სფეროში მოქმედი საჯარო სამართლის იურიდიული პირების – უმაღლესი საგანმანათლებლო დაწესებულებების ინფრასტრუქტურის განვითარების ხელშეწყობის მიზნით დაფინანსების გამოყოფის საკითხების შემსწავლელი უწყებათაშორისი კომისიის (შემდგომში – კომისია) 2014 წლის 21 ივლისის №3 და 2014 წლის 24 ივლისის №4 სხდომების ოქმების გათვალისწინებით:
1. სსიპ - თბილისის სახელმწიფო სამედიცინო უნივერსიტეტის ალ. ალადაშვილის სახელობის საუნივერსიტეტო კლინიკის რეაბილიტაციისა და განვითარებისათვის დაგეგმილი შესყიდვების შეუფერხებლად განხორციელების მიზნით, შევიდეს ცვლილება სსიპ – თბილისის სახელმწიფო სამედიცინო უნივერსიტეტსა და სსიპ – საგანმანათლებლო და სამეცნიერო ინფრასტრუქტურის განვითარების სააგენტოს შორის 2013 წლის 30 დეკემბერს №01/162-87 გაფორმებული ხელშეკრულების დანართში და მასში აისახოს შესასყიდი ობიექტის ფასის ზრდა – 354 471 ლარის ფარგლებში. შესყიდვების განხორციელების შედეგად ამჟამად მოქმედი 2013 წლის 30 დეკემბრის №01/162-87 ხელშეკრულებით გათვალისწინებული თანხის (5 400 353 ლარი) ზემოთ ხარჯების გაწევის აუცილებლობის შემთხვევაში, აღნიშნული ხარჯების დაფარვა დაევალოს სსიპ – თბილისის სახელმწიფო სამედიცინო უნივერსიტეტს საკუთარი სახსრებიდან. 2013 წლის 30 დეკემბრის №01/162-87 ხელშეკრულების დანართში ცვლილების საფუძველზე, შესასყიდი ობიექტების ცალკეული სახეობების (სპეციფიკაციების) შეცვლის შემთხვევაში, ამ სახის ცვლილება განხორციელდეს საქართველოს შრომის, ჯანმრთელობისა და სოციალური დაცვის სამინისტროსთან შეთანხმებით.
2. შევიდეს ცვლილება სსიპ – საგანმანათლებლო და სამეცნიერო ინფრასტრუქტურის განვითარების სააგენტოსა და სსიპ – საქართველოს ტექნიკურ უნივერსიტეტს შორის 2013 წლის 30 დეკემბერს გაფორმებულ №01/162-89 და №01/162-90 ხელშეკრულებებში და აღნიშნულ ხელშეკრულებათა მოქმედების ვადად განისაზღვროს 2015 წლის 31 დეკემბერი.
3. მოწონებულ იქნეს სსიპ – შოთა მესხიას ზუგდიდის სახელმწიფო სასწავლო უნივერსიტეტის მიერ კომისიის 2014 წლის 21 ივლისის სხდომაზე განსახილველად წარდგენილი პროექტი, სტუდენტთა საერთო საცხოვრებლის მოწყობის მიზნით, ქ. ზუგდიდში, ჯანაშიას ქუჩა №17-ში განთავსებული ნაგებობის რეკონსტრუქციასთან დაკავშირებით. აღნიშნული პროექტი დაფინანსდეს არა უმეტეს სსიპ – შოთა მესხიას ზუგდიდის სახელმწიფო სასწავლო უნივერსიტეტის მიერ წარდგენილი სახარჯთაღრიცხვო ღირებულების – 580, 40 ათასი ლარის ფარგლებში, პროექტთან დაკავშირებით სსიპ – ლევან სამხარაულის სახელობის სასამართლო ექსპერტიზის ეროვნული ბიუროს 2014 წლის 11 ივლისის საინჟინრო ექსპერტიზის №003585914 დასკვნაში ჩამოყალიბებული რეკომენდაციების გათვალისწინებით.
4. დაევალოს სსიპ – საგანმანათლებლო და სამეცნიერო ინფრასტრუქტურის განვითარების სააგენტოს კომისიის 2014 წლის 21 ივლისის №3 სხდომის ოქმით გათვალისწინებული რეკომენდაციის დაცვით, დაფინანსების გამოყოფისა და მონიტორინგის ეფექტურად განხორციელების პირობათა განსაზღვრის მიზნით, ხელშეკრულების გაფორმება სსიპ – შოთა მესხიას ზუგდიდის სახელმწიფო სასწავლო უნივერსიტეტთან.
5. სსიპ – საქართველოს ტექნიკური უნივერსიტეტის მიერ აგრარული ფაკულტეტისათვის საჭირო ლაბორატორიული დანადგარების შესყიდვების შეუფერხებლად განხორციელების მიზნით, შევიდეს ცვლილება სსიპ – საქართველოს ტექნიკურ უნივერსიტეტსა და სსიპ – საგანმანათლებლო და სამეცნიერო ინფრასტრუქტურის განვითარების სააგენტოს შორის 2013 წლის 30 დეკემბერს გაფორმებულ №01/162-90 ხელშეკრულების დანართში და მასში აისახოს შესასყიდი ობიექტის ფასის ზრდა – 348 669.55 ლარის ოდენობის ფარგლებში. შესყიდვების განხორციელების შედეგად, ამჟამად მოქმედი 2013 წლის 30 დეკემბრის №01/162-90 ხელშეკრულებით გათვალისწინებული თანხის ზემოთ ხარჯების გაწევის აუცილებლობის შემთხვევაში, აღნიშნული ხარჯების დაფარავა დაევალოს სსიპ – საქართველოს ტექნიკურ უნივერსიტეტს საკუთარი სახსრებიდან. 2013 წლის 30 დეკემბერს გაფორმებული №01/162-90 ხელშეკრულების დანართში ცვლილების საფუძველზე შესასყიდი ობიექტების ცალკეული სახეობების (სპეციფიკაციების) შეცვლის შემთხვევაში, ამ სახის ცვლილება განხორციელდეს საქართველოს განათლებისა და მეცნიერების სამინისტროსთან შეთანხმებით. ხელშეკრულებით განისაზღვროს, მიმწოდებლისთვის შესყიდვის ობიექტის სახელშეკრულებო ღირებულების 10%-ის ავანსად გაცემის შესაძლებლობა. კომისიას 2014 წლის 24 ივლისის სხდომაზე განხილული შესასყიდი ობიექტების ცალკეული სახეობების (სპეციფიკაციების) ცვლილება მიაჩნია მიზანშეწონილად.
პრემიერ-მინისტრი ირაკლი ღარიბაშვილი