საქართველოს მთავრობის
განკარგულება №1376
2014 წლის 5 აგვისტო
ქ. თბილისი
შეზღუდული პასუხისმგებლობის საზოგადოება „ანაკლიის“ სახელმწიფო საკუთრებაში არსებული 100% წილის მართვის უფლებით, პირდაპირი გადაცემის ფორმით, საქართველოს ადმინისტრაციულ-ტერიტორიულ ერთეულებში (აბაშის, ზუგდიდის, მარტვილის, მესტიის, სენაკის, ჩხოროწყუს, წალენჯიხისა და ხობის მუნიციპალიტეტები და ქალაქი ფოთი) სახელმწიფო რწმუნებულის-გუბერნატორის ადმინისტრაციისათვის გადაცემის შესახებ
1. „სახელმწიფო ქონების შესახებ“ საქართველოს კანონის 43-ე მუხლის პირველი პუნქტის შესაბამისად, შეზღუდული პასუხისმგებლობის საზოგადოება „ანაკლიის“ (ს/კ №404396293) სახელმწიფო საკუთრებაში არსებული 100% წილი მართვის უფლებით, პირდაპირი გადაცემის ფორმით, გადაეცეს საქართველოს ადმინისტრაციულ-ტერიტორიულ ერთეულებში (აბაშის, ზუგდიდის, მარტვილის, მესტიის, სენაკის, ჩხოროწყუს, წალენჯიხისა და ხობის მუნიციპალიტეტები და ქალაქი ფოთი) სახელმწიფო რწმუნებულის-გუბერნატორის ადმინისტრაციას, 2014 წლის 1 სექტემბრამდე.
2. მართვის უფლებით გადაცემის პირობად განისაზღვროს სსიპ – სახელმწიფო ქონების ეროვნულ სააგენტოსთან (მესაკუთრესთან) შეთანხმების გარეშე, შპს „ანაკლიის“ კუთვნილი უძრავი ქონების აუქციონით ან აუქციონის გარეშე, სასყიდლიანი სარგებლობის უფლებით, გადაცემა.
3. შპს „ანაკლიის“ მიერ საზოგადოების წესდების მე-7 მუხლის მე-7 პუნქტის „ლ“ ქვეპუნქტით გათვალისწინებული მოქმედებების განხორციელება ჩაითვალოს პარტნიორთან (სსიპ – სახელმწიფო ქონების ეროვნული სააგენტო) შეთანხმებულად.
4. საქართველოს ეკონომიკისა და მდგრადი განვითარების სამინისტროს სისტემაში შემავალმა სსიპ - სახელმწიფო ქონების ეროვნულმა სააგენტომ, უზრუნველყოს აღნიშნული განკარგულების შესრულების მიზნით, შესაბამისი ღონისძიებების გატარება.
პრემიერ-მინისტრიირაკლი ღარიბაშვილი