|
„ადმინისტრაციული სამართალდარღვევის ოქმის ფორმისა და აღრიცხვა-ანგარიშგების წესის დამტკიცების შესახებ “ ხობის მუნიციპალიტეტის საკრებულოს 2011 წლის 10 მაისის №41 დადგენილებაში ცვლილების შეტანის თაობაზე
|
საქართველოს ორგანული კანონის „ადგილობრივი თვითმმართველობის კოდექსი“ 165-ე მუხლის მე-4 ნაწილისა და „ნორმატიული აქტების შესახებ“ საქართველოს კანონის მე-20 მუხლის შესაბამისად, ხობის მუნიციპალიტეტის საკრებულო ადგენს: |
1.
„ადმინისტრაციული სამართალდარღვევის ოქმის ფორმისა და აღრიცხვა-ანგარიშგების წესის დამტკიცების შესახებ“ ხობის მუნიციპალიტეტის საკრებულოს 2011 წლის 10 მაისის №41 დადგენილებაში („საქართველოს საკანონმდებლო მაცნე“, ვებგვერდი, 110517015, 20.05.2011 წ. სახელმწიფო სარეგისტრაციო კოდი: 010250020.35.106.016034) შეტანილ იქნეს ცვლილება და დადგენილებით დამტკიცებული წესის: |
ა)
მე-2 მუხლის მე-2 პუნქტი ჩამოყალიბდეს შემდეგი რედაქციით:
„2. პოლიგრაფიული საწარმოს მიერ სტამბური წესით დაბეჭდილი ადმინისტრაციული სამართალდარღვევის ოქმის ფორმების ჩაბარების უფლება აქვს ხობის მუნიციპალიტეტის გამგეობის ინფრასტრუქტურის, ურბანული განვითარებისა და არქიტექტურის სამსახურის უფროსს.“. |
ბ)
მე-3 მუხლი ჩამოყალიბდეს შემდეგი რედაქციით:
„მუხლი 3 ხობის მუნიციპალიტეტის გამგეობის ინფრასტრუქტურის, ურბანული განვითარებისა და არქიტექტურის სამსახურის უფლებამოსილი პირი, კანონის მოთხოვნის შესაბამისად, ადმინისტრაციული სამართალდარღვევის ოქმს შემოსავლის და გასავლის ჟურნალში სათანადო აღნიშვნისა და ხელმოწერის შემდეგ წარუდგენს შესაბამის უწყებას.“. |
გ)
დადგენილებით დამტკიცებულ წესს დაემატოს მე-6 მუხლი და ჩამოყალიბდეს შემდეგი რეადაქციით:
„მუხლი 6 1. „ადმინისტრაციული სამართალდარღვევის ოქმის ფორმისა და აღრიცხვა-ანგარიშგების წესის დამტკიცების შესახებ“ ხობის მუნიციპალიტეტის საკრებულოს 2011 წლის 10 მაისის №41 დადგენილებით დამტკიცებული ადმინისტრაციული სამართალდარღვევის ოქმი ინარჩუნებს იურიდიულ ძალას ამ დადგენილებით განხორციელებული ცვლილების შესაბამისი ახალი სამართალდარღვევის ოქმების საქართველოს კანონმდებლობით დადგენილი წესით დამზადებამდე. 2. დაევალოს ხობის მუნიციპალიტეტის გამგეობას, ამ დადგენილებით განხორციელებული ცვლილების შესაბამისი ადმინისტრაციული სამართალდარღვევის ოქმის ნიმუშის მომზადება საქართველოს კანონმდებლობით დადგენილი წესით და საკრებულოში დასამტკიცებლად წარმოდგენა.“. |
2.
დადგენილება ძალაში შევიდეს გამოქვეყნებისთანავე. |
|