საქართველოს მთავრობის
განკარგულება №1194
2014 წლის 3 ივლისი
ქ. თბილისი
საქართველოს მთავრობას და KGM ILETISIM VE HIZM. LOJISTIK INS. VE TURIZM TIC. LTD. STI-ს შორის 2011 წლის 1 აგვისტოს დადებული ურთიერთგაგების მემორანდუმის გაუქმების თაობაზე
1. მოწონებულ იქნეს შეთანხმების პროექტი საქართველოს მთავრობას და KGM ILETISIM VE HIZM. LOJISTIK INS. VE TURIZM TIC. LTD. STI-ს შორის 2011 წლის 1 აგვისტოს დადებული ურთიერთგაგების მემორანდუმის გაუქმების თაობაზე.
2. ,,საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის 27-ე მუხლის თანახმად, შეთანხმებას, საქართველოს მთავრობის სახელით, ხელი მოაწეროს საქართველოს ენერგეტიკის მინისტრმა, კახა კალაძემ.
3. ამ განკარგულების პირველ პუნქტში მითითებული შეთანხმების შესაბამისად, საქართველოს მთავრობის სახელით შესაბამისი ქმედებების, მათ შორის, გარანტიის გამცემი ბანკისათვის წერილობითი თანხმობის წერილის ხელმოწერის, კომპანიის მიერ მემორანდუმით ნაკისრი ვალდებულებების უზრუნველსაყოფად წარმოდგენილი საბანკო გარანტიის (500 000.00 აშშ დოლარი) გაუქმების თაობაზე, განხორციელების უფლებამოსილება მიენიჭოს საქართველოს ენერგეტიკის მინისტრს, კახა კალაძეს.
პრემიერ-მინისტრი ირაკლი ღარიბაშვილი