„ადგილობრივი თვითმმართველობის აღმასრულებელი ორგანოების - თვითმმართველი ქალაქებისა და თემების მერებისა და გამგებლების არჩევნების მეორე ტურის გამართვისათვის ზოგიერთი საარჩევნო ღონისძიებისა და ვადების დადგენის შესახებ” საქართველოს ცენტრალური საარჩევნო კომისიის 2014 წლის 19 ივნისის №35/2014 დადგენილებას დაემატოს 41 მუხლი შემდეგი რედაქციით:
„მუხლი 41. გარდამავალი დებულება
პოლიტიკურ გაერთიანებას, რომელსაც 2014 წლის 15 ივნისის პროპორციული სისტემით ჩატარებული არჩევნების შედეგების საფუძველზე წარმოეშვა საარჩევნო კომისიებში წევრების დანიშვნის უფლებამოსილება, „საქართველოს საარჩევნო კოდექსი” საქართველოს ორგანული კანონით დადგენილი წესით შეუძლია, ამ დადგენილების ძალაში შესვლის დღიდან 7 კალენდარული დღის ვადაში - დანიშნოს საოლქო საარჩევნო კომისიის წევრები, ხოლო მეორე ტურის დანიშვნის შესახებ ცესკოს შესაბამისი სამართლებრივი აქტის მიღებიდან 7 კალენდარული დღის ვადაში - დანიშნოს საუბნო საარჩევნო კომისიის წევრები”.
|