საქართველოს მთავრობის
განკარგულება №1771
2012 წლის 19 სექტემბერი
ქ. თბილისი
ვარძიის ისტორიულ-არქიტექტურული კომპლექსის კვლევითი და სარეაბილიტაციო‑საკონსერვაციო სამუშაოების გამარტივებული შესყიდვის საშუალებით განხორციელების შესახებ
„სახელმწიფო შესყიდვების შესახებ“ საქართველოს კანონის 101 მუხლის მე-3 პუნქტის „დ“ ქვეპუნქტის შესაბამისად, სახელმწიფოებრივი და საზოგადოებრივი მნიშვნელობის ღონისძიებების შეზღუდულ ვადებში შეუფერხებლად ჩატარების მიზნით, სსიპ – საქართველოს კულტურული მემკვიდრეობის დაცვის ეროვნულმა სააგენტომ კულტურული მემკვიდრეობის ძეგლის – ვარძიის ისტორიულ-არქიტექტურული კომპლექსის საინჟინრო-გეოლოგიური კვლევითი სამუშაოები, კომპლექსის საშენი მასალისა და რელიეფების კვლევითი სამუშაოები, კომპლექსის კედლის მხატვრობის სადიაგნოსტიკო-კვლევითი სამუშაოები და მათ საფუძველზე შესასრულებელ საპროექტო და სარეაბილიტაციო-საკონსერვაციო სამუშაოებთან დაკავშირებული სახელმწიფო შესყიდვები განახორციელოს გამარტივებულიშესყიდვის საშუალებით, წლიური ბიუჯეტით მისთვის განსაზღვრულ ასიგნებათა ფარგლებში.
პრემიერ-მინისტრი ი. მერაბიშვილი