„სახელმწიფო დაცვის სპეციალური სამსახურის დასაცავ პირთა და დაცვის ობიექტთა ნუსხების დამტკიცების შესახებ“ საქართველოს მთავრობის 2013 წლის 17 მაისის №427 განკარგულებაში ცვლილების შეტანის თაობაზე

საქართველოს მთავრობის

განკარგ უ ლება № 92 6

2014 წლის 27 მაისი

ქ. თბილისი

საქართველოს ზოგადი ადმინისტრაციული კოდექსის 63-ე მუხლის შესაბამისად, „სახელმწიფო დაცვის სპეციალური სამსახურის დასაცავ პირთა და დაცვის ობიექტთა ნუსხების დამტკიცების შესახებ“ საქართველოს მთავრობის 2013 წლის 17 მაისის №427 განკარგულებაში შეტანილ იქნეს ცვლილება და განკარგულებით დამტკიცებული „სახელმწიფო დაცვის სპეციალური სამსახურის დასაცავ პირთა ნუსხა“ (დანართი №1) და „სახელმწიფო დაცვის სპეციალური სამსახურის დაცვის ობიექტთა ნუსხა“ (დანართი №2) ჩამოყალიბდეს შემდეგი რედაქციით:

„დანართი №1

სახელმწიფო დაცვის სპეციალური სამსახურის დასაცავ პირთა ნუსხა

ა) საქართველოს პრემიერ-მინისტრი;

ბ) საქართველოს პრეზიდენტი;

გ) საქართველოს პარლამენტის თავმჯდომარე;

დ) საქართველოს პრემიერ-მინისტრის ოჯახის წევრები;

ე) საქართველოს პრეზიდენტის ოჯახის წევრები;

ვ) საქართველოს პარლამენტის თავმჯდომარის ოჯახის წევრები;

ზ) საქართველოს პრეზიდენტობის კანდიდატი (კანდიდატები) საარჩევნო კამპანიისა და არჩევნების პერიოდში;

თ) საქართველოს უზენაესი სასამართლოს თავმჯდომარე;

ი) საქართველოს საკონსტიტუციო სასამართლოს თავმჯდომარე;

კ) სრულიად საქართველოს კათოლიკოს-პატრიარქი;

ლ) საქართველოს ეროვნული უშიშროების საბჭოს მუდმივი წევრები;

მ) საქართველოს პრემიერ-მინისტრის თანაშემწე სახელმწიფო უსაფრთხოების საკითხებში – სახელმწიფო უსაფრთხოებისა და კრიზისების მართვის საბჭოს მდივანი;

ნ) საქართველოს იუსტიციის მინისტრი და მთავარი პროკურორი;

ო) საქართველოს მთავრობის სხვა წევრები - საქართველოს მთავრობის გადაწყვეტილებით, ამავე გადაწყვეტილებით განსაზღვრული ვადით;

პ) საქართველოს დაზვერვის სამსახურის უფროსი;

ჟ) საქართველოს სხვა სახელმწიფო უწყების ხელმძღვანელი ან სხვა მაღალი რანგის თანამდებობის პირი საქართველოს მთავრობის გადაწყვეტილებით, ამავე გადაწყვეტილებით განსაზღვრული ვადით;

რ) აფხაზეთის ავტონომიური რესპუბლიკის უმაღლესი საბჭოს თავმჯდომარე;

ს) აფხაზეთის ავტონომიური რესპუბლიკის მთავრობის თავმჯდომარე;

ტ) აჭარის ავტონომიური რესპუბლიკის უმაღლესი საბჭოს თავმჯდომარე;

უ) აჭარის ავტონომიური რესპუბლიკის მთავრობის თავმჯდომარე;

ფ) ქ. თბილისის მერი;

ქ) 2013 წლის 17 ნოემბრის შემდგომი პერიოდიდან უფლებამოსილების ვადის გასვლის შემდეგ, საქართველოს პრემიერ-მინისტრი და მისი ოჯახის წევრები პრემიერ-მინისტრის სიცოცხლის ბოლომდე, ქვეყნის ტერიტორიაზე, ხოლო საზღვარგარეთ 1 თვეზე მეტი ვადით გამგზავრებისას - საქართველოს მთავრობის გადაწყვეტილებით (ეს წესი არ მოქმედებს საზღვარგარეთ სამკურნალოდ გამგზავრების შემთხვევაში);

ღ) უფლებამოსილების ვადის გასვლის შემდეგ, საქართველოს პრეზიდენტი და მისი ოჯახის წევრები პრეზიდენტის სიცოცხლის ბოლომდე, ქვეყნის ტერიტორიაზე, ხოლო საზღვარგარეთ 1 თვეზე მეტი ვადით გამგზავრებისას - საქართველოს მთავრობის გადაწყვეტილებით (ეს წესი არ მოქმედებს საზღვარგარეთ სამკურნალოდ გამგზავრების შემთხვევაში);

ყ) უფლებამოსილების ვადის გასვლის შემდეგ საქართველოს პარლამენტის თავმჯდომარე ახალი მოწვევის პარლამენტის უფლებამოსილების ვადით;

შ) უცხოეთის დიპლომატიური მისიის ხელმძღვანელები - საქართველოს მთავრობის გადაწყვეტილებით.

შენიშვნა:

ამ განკარგულების მიზნებისათვის ოჯახის წევრების წრე მოიცავს: მეუღლეს, მშობლებს, არასრულწლოვან ან/და შეზღუდული შესაძლებლობის მქონე შვილს (შვილებს), აგრეთვე, სხვა პირებს, რომლებსაც პერსონალური დაცვა შეიძლება გამოეყოთ განსაკუთრებულ შემთხვევაში, შესაბამისი ოპერატიული ინფორმაციის საფუძველზე.

დანართი №2

სახელმწიფო დაცვის სპეციალური სამსახურის დაცვის ობიექტთა ნუსხა

ა) საქართველოს მთავრობის ადმინისტრაციული შენობები ქ. თბილისში;

ბ) საქართველოს პრეზიდენტის ადმინისტრაციის ადმინისტრაციული შენობა;

გ) საქართველოს პარლამენტის სასახლე ქ. ქუთაისში და ადმინისტრაციული შენობა ქ. თბილისში;

დ ) საქართველოს საკონსტიტუციო სასამართლოს ადმინისტრაციული შენობა;

ე) საქართველოს უზენაესი სასამართლოს ადმინისტრაციული შენობა;

ვ) საქართველოს საპატრიარქო;

ზ) საქართველოს საგარეო საქმეთა სამინისტროს ადმინისტრაციული შენობა;

თ) საქართველოს იუსტიციის სამინისტროს ადმინისტრაციული შენობა;

ი) საქართველოს მთავარი პროკურატურის ადმინისტრაციული შენობა;

კ) სახელმწიფო დაცვის სპეციალური სამსახურის გამგებლობაში არსებული ობიექტები;

ლ ) საქართველოს დაზვერვის სამსახურის ადმინისტრაციული შენობა;

მ) აფხაზეთის ავტონომიური რესპუბლიკის მთავრობის ადმინისტრაციული შენობა;

ნ) აფხაზეთის ავტონომიური რესპუბლიკის უმაღლესი საბჭოს ადმინისტრაციული შენობა;

ო) აჭარის ავტონომიური რესპუბლიკის მთავრობის ადმინისტრაციული შენობა;

პ) აჭარის ავტონომიური რესპუბლიკის უმაღლესი საბჭოს ადმინისტრაციული შენობა;

ჟ) ზუგდიდის სახელმწიფო (სამთავრობო) რეზიდენცია;

რ) საქართველოს პრეზიდენტის რეზიდენცია;

ს) ქ. თბილისის აეროპორტის სამთავრობო გასასვლელები;

ტ) საქართველოს პრემიერ-მინისტრის საცხოვრებელი ბინა, ასევე, მისი დროებითი ადგილსამყოფელი, ოპერატიული ინფორმაციის საფუძველზე;

უ) საქართველოს პრეზიდენტის საცხოვრებელი ბინა, ასევე, მისი დროებითი ადგილსამყოფელი, ოპერატიული ინფორმაციის საფუძველზე;

ფ) საქართველოს პარლამენტის თავმჯდომარის საცხოვრებელი ბინა, ასევე, მისი დროებითი ადგილსამყოფელი, ოპერატიული ინფორმაციის საფუძველზე;

ქ) 2013 წლის 17 ნოემბრის შემდგომი პერიოდიდან საქართველოს ყოფილი პრემიერ-მინისტრის საცხოვრებელი ბინა საქართველოში, მისი სიცოცხლის ბოლომდე;

ღ) საქართველოს ყოფილი პრეზიდენტის ფაქტობრივი საცხოვრებელი ბინა საქართველოში, მისი სიცოცხლის ბოლომდე;

ყ) საქართველოს უზენაესი სასამართლოს თავმჯდომარის საცხოვრებელი ბინა;

შ) საქართველოს საკონსტიტუციო სასამართლოს თავმჯდომარის საცხოვრებელი ბინა;

ჩ) საქართველოს მთავრობის წევრის ან/და სამსახურის სხვა დასაცავი პირის საცხოვრებელი ბინა - საქართველოს მთავრობის გადაწყვეტილებით, ამავე გადაწყვეტილებით განსაზღვრული ვადით;

ც) აჭარის ავტონომიური რესპუბლიკის მთავრობის თავმჯდომარის საცხოვრებელი ბინა;

ძ) აჭარის ავტონომიური რესპუბლიკის უმაღლესი საბჭოს თავმჯდომარის საცხოვრებელი ბინა;

წ) აფხაზეთის ავტონომიური რესპუბლიკის მთავრობის თავმჯდომარის საცხოვრებელი ბინა;

ჭ) აფხაზეთის ავტონომიური რესპუბლიკის უმაღლესი საბჭოს თავმჯდომარის საცხოვრებელი ბინა.“.

პრემიერ-მინისტრი ი. ღარიბაშვილი