საქართველოს მთავრობის
განკარგულება №1918
2011 წლის 8 ოქტომბერი
ქ. თბილისი
„ადიგენი-ბეშუმის მიმართულებით 220 კვ ტექნიკური მონაცემების, ორჯაჭვიანი 110 კვ ელექტროგადამცემი ხაზისა და 110/35/10 კვ ქვესადგურის მშენებლობის უზრუნველყოფის შესახებ“ საქართველოს მთავრობის 2011 წლის 1 ივნისის №1193 განკარგულებაში ცვლილების შეტანის თაობაზე
საქართველოს ზოგადი ადმინისტრაციული კოდექსის 63-ე მუხლის შესაბამისად „ადიგენი-ბეშუმის მიმართულებით 220 კვ ტექნიკური მონაცემების, ორჯაჭვიანი 110 კვ ელექტროგადამცემი ხაზისა და 110/35/ 10 კვ ქვესადგურის მშენებლობის უზრუნველყოფის შესახებ“ საქართველოს მთავრობის 2011 წლის 1 ივნისის №1193 განკარგულებაში შეტანილ იქნეს შემდეგი ცვლილებები:
ა) „ა“ ქვეპუნქტი ჩამოყალიბდეს შემდეგი რედაქციით:
„ა) სს „საქართველოს სახელმწიფო ელექტროსისტემამ“ საკუთარი სახსრებით უზრუნველყოს სათანადო სამშენებლო და საპროექტო სამუშაოების განხორციელება;“;
ბ) „ბ“ ქვეპუნქტი ჩამოყალიბდეს შემდეგი რედაქციით:
„ბ) განკარგულების „ა“ ქვეპუნქტით გათვალისწინებული სამუშაოების შეზღუდულ ვადებში შესრულების აუცილებლობიდან გამომდინარე, „სახელმწიფო შესყიდვების შესახებ“ საქართველოს კანონის 101 მუხლის მე-3 პუნქტის „დ“ ქვეპუნქტის შესაბამისად, სს „საქართველოს სახელმწიფო ელექტროსისტემამ“ საჭირო სახელმწიფო შესყიდვები განახორციელოს გამარტივებული შესყიდვის საშუალებით;“;
გ) „ე“ ქვეპუნქტი ჩამოყალიბდეს შემდეგი რედაქციით:
„ე) სს „საქართველოს სახელმწიფო ელექტროსისტემამ“ 2011 წლის 30 დეკემბრამდე წარადგინოს ადიგენისა და ხულოს მუნიციპალიტეტების გამგეობებში მშენებლობის ნებართვისათვის საჭირო „მშენებლობის ნებართვის გაცემის წესისა და სანებართვო პირობების შესახებ“ საქართველოს მთავრობის 2009 წლის 24 მარტის №57 დადგენილებით განსაზღვრული სრულყოფილი დოკუმენტაცია.“.
პრემიერ‑მინისტრი ნ. გილაური