ს აქართველოს მთ ავრობის
განკარგულება № 2095
2011წლის 28ოქტომბერი
ქ. თბილისი
„საქართველოს რეგიონებში განსახორციელებელი პროექტების ფონდიდან ადგილობრივი თვითმმართველი ერთეულებისათვის თანხის გამოყოფის შესახებ“საქართველოს მთავრობის 2011 წლის 1 აპრილის №735 განკარგულებაში ცვლილების შეტანის თაობაზე
საქართველოს ზოგადი ადმინისტრაციული კოდექსის 63-ე მუხ ლის შესაბამისად, „საქართველოს რეგიონებში განსახორციელებელი პროექტების ფონდიდან ადგილობრივი თვითმმართველი ერთეულებისათვის თანხის გამოყოფის შესახებ“ საქართველოს მთავრობის 2011 წლის 1 აპრილის №735 განკარგულებაში შეტანილ იქნეს ცვლილება და №1 დანართის:
ა) მე-4 პუნქტი ჩამოყალიბდეს შემდეგი რედაქციით:
„ 4. ლაგოდეხის მუნიციპალიტეტს – 770 000 (შვიდას სამოცდაათი ათასი) ლარი შემდეგი პროექტების განსახორციელებლად:
ა) ქ. ლაგოდეხში ქუჩების სრული რეაბილიტაცია;
ბ) სოფლებში: ზემო გურგენიანში, ზემო და ქვემო მსხალგორში, აფენსა და ლელიანში გზების რეაბილიტაცია;
გ) სოფლებში: წითელ გორასა და აფენში სასმელი წყლის ჭაბურღილების მოწყობა;
დ) სოფელ ზემო გურგენიანში სასმელი წყლის სისტემის რეაბილიტაცია;
ე) სოფლებში: მსხალგორსა და თელაში საავტომობილო ხიდების რეაბილიტაცია.“;
ბ) მე-8 პუნქტი ჩამოყალიბდეს შემდეგი რედაქციით:
„8. ყვარლის მუნიციპალიტეტს – 685 000 (ექვსას ოთხმოცდახუთი ათასი) ლარი შემდეგი პროექტების განსახორციელებლად:
ა) ქ. ყვარლის ქუჩების რეაბილიტაცია;
ბ) სოფლებში: მთისძირში, ენისელსა და შაქრიანში გზების რეაბილიტაცია;
გ) სოფლებში: ზინობიანში,შილდასა და ახალსოფელში სასმელი წყლის სისტემების მოწყობა-რეაბილიტაცია;
დ) სოფლების: საცხენისა და ახალსოფლის დამაკავშირებელი ხიდის რეაბილიტაცია;
ე)სოფელ ალმატში გაბიონის მოწყობა;
ვ) მუნიციპალიტეტში სანიაღვრე არხების მოწყობა-რეაბილიტაცია.“.
პრემიერ-მინისტრინ. გილაური