საქართველოს მთავრობის
განკარგულება № 2622
2011 წლის 29 დეკემბერი
ქ. თბილისი
ნავთობპროდუქციის (საწვავის) სახელმწიფო შესყიდვის კონსოლიდირებული ტენდერის საშუალებით განხორციელების თაობაზე
„სახელმწიფო შესყიდვების შესახებ“ საქართველოს კანონის 202 მუხლის შესაბამისად:
1. 2012 წელს ნავთობპროდუქციის (საწვავის) სახელმწიფო შესყიდვის განსახორციელებლად ჩატარდეს კონსოლიდირებული ტენდერი.
2. საჯარო სამართლის იურიდიულმა პირმა – სახელმწიფო შესყიდვების სააგენტომ უზრუნველყოს 2012 წელს ნავთობპროდუქციის (საწვავის) კონსოლიდირებული ტენდერის სატენდერო დოკუმენტაციის მომზადება და კონსოლიდირებული ტენდერის ჩატარებისათვის კანონმდებლობით დადგენილი სხვა აუცილებელი სამართლებრივი და ორგანიზაციული ღონისძიებების განხორციელება.
3. დამტკიცდეს თანდართული „ნავთობპროდუქციის (საწვავის) სახელმწიფო შესყიდვის კონსოლიდირებული ტენდერის სატენდერო კომისიის შემადგენლობა და საქმიანობის წესი“.
პრემიერ‑მინისტრი ნ . გილაური
ნავთობპროდუქციის (საწვავის) სახელმწიფო შესყიდვის კონსოლიდირებული ტენდერის სატენდერო კომისიისშემადგენლობა და საქმიანობის წესი
1. ნავთობპროდუქციის (საწვავის) სახელმწიფო შესყიდვის კონსოლიდირებულ ტენდერში საუკეთესო სატენდერო წინადადების (წინადადებების) გამოვლენის მიზნით შეიქმნას ნავთობპროდუქციის (საწვავის) სახელმწიფო შესყიდვის კონსოლიდირებული ტენდერის სატენდერო კომისია (შემდგომში – სატენდერო კომისია).
2. სატენდერო კომისია ჩამოყალიბდეს შემდეგი შემადგენლობით:
| ტატო ურჯუმელაშვილი | – | სსიპ – სახელმწიფო შესყიდვების სააგენტოს თავმჯდომარე, სატენდერო კომისიის თავმჯდომარე |
| ქართლოს ყიფიანი | – | საქართველოს მთავრობის კანცელარიის უფროსის მოადგილე – ეკონომიკური დეპარტამენტის უფროსი |
| გიორგი კერვალიშვილი | – | საქართველოს ფინანსთა მინისტრის მოადგილე |
| დავით გიორგაძე | – | საქართველოს ეკონომიკისა და მდგრადი განვითარების მინისტრის მოადგილე |
| ტარიელ ხიზანეიშვილი | – | ქალაქ თბილისის მერის მოადგილე |
| გიორგი კოტრიკაძე | – | ნავთობპროდუქტების იმპორტიორთა და რეალიზატორთა ასოციაციის გამგეობის თავმჯდომარე. |
3. სატენდერო კომისიას ხელმძღვანელობს სატენდერო კომისიის თავმჯდომარე, ხოლო მისი არყოფნის შემთხვევაში – თავმჯდომარის დავალებით, სატენდერო კომისიის ერთ-ერთი წევრი.
4. სატენდერო კომისიის სხდომა უფლებამოსილია, თუ მას ესწრება სატენდერო კომისიის წევრთა სიითი შემადგენლობის ნახევარზე მეტი. სატენდერო კომისიის სხდომა ტარდება საჭიროებისამებრ.
5. სატენდერო კომისიის სხდომაზე გადაწყვეტილება მიიღება კომისიის დამსწრე წევრების ხმათა უმრავლესობით. ხმათა თანაბრად გაყოფის შემთხვევაში გადამწყვეტია სატენდერო კომისიის თავმჯდომარის ხმა.
6. სატენდერო კომისიის წევრს, რომელიც არ ეთანხმება სატენდერო კომისიის გადაწყვეტილებას, უფლება აქვს წერილობით წარადგინოს თავისი აზრი, რომელიც უნდა დაერთოს სატენდერო კომისიის გადაწყვეტილებას.
7. სატენდერო კომისიის მიერ მიღებული ნებისმიერი გადაწყვეტილება ფორმდება ოქმით, რომელსაც ხელს აწერს კომისიის ყველა დამსწრე წევრი.
8. სატენდერო კომისიის ორგანიზაციულ საქმიანობას უზრუნველყოფს სახელმწიფო შესყიდვების სააგენტო.