საქართველოს მთავრობის
განკარგულება №2187
2011 წლის 10 ნოემბერი
ქ. თბილისი
საჯარო სამართლის იურიდიული პირის – შემოსავლების სამსახურის მიერ სახელმწიფო შესყიდვის გამარტივებული შესყიდვის საშუალებით განხორციელების შესახებ
„სახელმწიფო შესყიდვების შესახებ“ საქართველოს კანონის 101 მუხლის მე-3 პუნქტის „დ“ ქვეპუნქტის შესაბამისად, სახელმწიფოებრივი და საზოგადოებრივი მნიშვნელობის ღონისძიებათა შეზღუდულ ვადებში შეუფერხებლად ჩატარების მიზნით, საჯარო სამართლის იურიდიულმა პირმა – შემოსავლების სამსახურმა ადგილობრივი და იმპორტული თამბაქოს (ფილტრიანი), სიგარისა და სიგარილასათვის განკუთვნილი აქციზური მარკების სახელმწიფო შესყიდვა განახორციელოს გამარტივებული შესყიდვის საშუალებით თავის მიერ გაწეული მომსახურების საფასურიდან მიღებული შემოსავლებით.
პრემიერ-მინისტრი ნიკა გილაური