საქართველოს მთავრობის
განკარგულება №2186
2011 წლის 10 ნოემბერი
ქ. თბილისი
გრანტის მიღების შესახებ საგრანტო ხელშეკრულების პროექტის მოწონების თაობაზე
„აღმასრულებელი ხელისუფლების შესაბამისი დაწესებულებებისა და სახელმწიფო კონტროლს დაქვემდებარებული საჯარო სამართლის იურიდიული პირების მიერ გრანტებთან დაკავშირებით გასატარებელ ღონისძიებათა შესახებ“ საქართველოს მთავრობის 2011 წლის 14 მარტის #126 დადგენილების შესაბამისად, მოწონებულ იქნეს საგრანტო ხელშეკრულების პროექტი გერმანიის საერთაშორისო თანამშრომლობის საზოგადოებასა (GIZ) და საჯარო სამართლის იურიდიულ პირს – სახელმწიფო შესყიდვების სააგენტოს შორის სახელმწიფო შესყიდვების სააგენტოში სასერვერო ოთახის მოწყობის სამუშაოების დაფინანსების თაობაზე.
პრემიერ-მინისტრი ნიკა გილაური