ზუგდიდის მუნიციპალიტეტში ტურიზმის განვითარების მიზნით ზოგიერთი ღონისძიების განხორციელების თაობაზე

საქართველოს მთავრობის

განკარგულება № 254 5

2011 წლის 27 დეკემბერი

ქ. თბილისი

ზუგდიდის მუნიციპალიტეტში ტურიზმის განვითარების მიზნით ზოგიერთი ღონისძიების განხორციელების თაობაზე

1 . მდინარე ენგურისა და შავი ზღვის შესართავთან არსებული კუნ­ძულების განათებისა და ანაკლიის სანაპირო ბულვარის გაშენებასთან დაკავშირებული სხვა ხარჯების დასაფინანსებლად საქართველოს ფი­ნანსთა სამინისტრომ „საქართველოს 2011 წლის სახელმწიფო ბიუჯე­ტის შესახებ“ საქართველოს კანონის მე - 18 მუხლის მე - 2 პუნქტით გა­თვა­ლისწინებული საქართველოს რეგიონებში განსახორციელებელი პროექ­ტების ფონდიდან შპს „ ANAKLIA - GANMUKHURI RESORTS “ ‑ ს გადა­უ­­რიც­ხოს 850 000 ( რვაას ორმოცდაათი ათასი) ლარი.

2. ზუგდიდის მუნიციპალიტეტმა განკარგულების პირველი პუნ­ქტით გამოყოფილი თანხით გაზარდოს შპს „ANAKLIA - GANMUKHURI RE­SORTS “‑ის კაპიტალი.

 3. „სახელმწიფო შესყიდვების შესახებ“ საქართველოს კანონის 10¹ მუხლის მე-3 პუნქტის „დ“ ქვეპუნქტის შესაბამისად, განკარგუ­ლე­ბის პირველი პუნქტით გათვალისწინებულ  ღონისძიებებთან დაკავ­ში­რე­ბუ­ლი სახელმწიფო შესყიდვები შპს „ ANAKLIA-GANMUKHURI RE­SORTS “-მა განახორციელოს გამარტივებული შესყიდვის საშუალებით.

4. საქართველოს ფინანსთა სამინისტრომ შპს „ ANAKLIA-GANMU­KHU­­RI RESORTS “-ისათვის გადარიცხული თანხა ასახოს, როგორც ზუგ­დი­­დის მუნიციპალიტეტის  ბიუჯეტისათვის გადარიცხული ტრანს­ფე­რი.

პრემიერ‑მინისტრი                                          ნიკა გილაური