საქართველოს მთავრობის
განკარგულება №2181
2011 წლის 10 ნოემბერი
ქ. თბილისი
„სვანეთის რეგიონის განვითარებისა და მესტიის მუნიციპალიტეტში ტურისტული ინფრასტრუქტურის შექმნის მიზნით მიმდინარე პროექტების განხორციელების გადაუდებელ ღონისძიებათა შესახებ“ საქართველოს მთავრობის 2011 წლის 15 აგვისტოს №1663 განკარგულებაში ცვლილების შეტანის თაობაზე
საქართველოს ზოგადი ადმინისტრაციული კოდექსის 63-ე მუხლის შესაბამისად, „სვანეთის რეგიონის განვითარებისა და მესტიის მუნიციპალიტეტში ტურისტული ინფრასტრუქტურის შექმნის მიზნით მიმდინარე პროექტების განხორციელების გადაუდებელ ღონისძიებათა შესახებ“ საქართველოს მთავრობის 2011 წლის 15 აგვისტოს #1663 განკარგულებაში შეტანილ იქნეს ცვლილება და მე-2 პუნქტი ჩამოყალიბდეს შემდეგი რედაქციით:
„2. ამ განკარგულების შესაბამისად მონიშნული ხე-ტყის დამზადების შედეგად მიღებული მერქნული რესურსი (გარდა პირველი პუნქტით გათვალისწინებული 9 800 მ3 მერქნული რესურსისა, რომელიც გამოიყენება სვანეთის რეგიონის განვითარებისა და მესტიის მუნიციპალიტეტში ტურისტული ინფრასტრუქტურის შექმნის მიზნით მიმდინარე პროექტების განხორციელებისათვის) მესტიის მუნიციპალიტეტის გამგეობამ გამოიყენოს საჭიროებისამებრ.“.
პრემიერ-მინისტრი ნიკა გილაური