საქართველოს მთავრობის
განკარგულება №2140
2011 წლის 4 ნოემბერი
ქ. თბილისი
„მესტიაში ტურიზმის განვითარების მიზნით ზოგიერთი ღონისძიების განხორციელების თაობაზე“ საქართველოს მთავრობის 2011 წლის 27 ოქტომბრის №2082 განკარგულებაში ცვლილების შეტანის შესახებ
საქართველოს ზოგადი ადმინისტრაციული კოდექსის 63-ე მუხლის თანახმად „მესტიაში ტურიზმის განვითარების მიზნით ზოგიერთი ღონისძიების განხორციელების თაობაზე“ საქართველოს მთავრობის 2011 წლის 27 ოქტომბრის №2082 განკარგულებაში შეტანილ იქნეს ცვლილება და პირველი და მე-2 პუნქტები ჩამოყალიბდეს შემდეგი რედაქციით:
„1. საქართველოს ფინანსთა სამინისტრომ „საქართველოს 2011 წლის სახელმწიფო ბიუჯეტის შესახებ“ საქართველოს კანონის მე-18 მუხლის მე-2 პუნქტით გათვალისწინებული საქართველოს რეგიონებში განსახორციელებელი პროექტების ფონდიდან შპს „მესტია რიზორტსს“ გადაურიცხოს 1 343 000 (ერთი მილიონ სამას ორმოცდასამი ათასი) ლარი სათხილამურო ტრასების გასანათებელი საშუალებების შესაძენად (ბოძები, სანათები) ბოძების საძირკვლების, ელექტროგაყვანილობების და დენის წყაროების მონტაჟის სამუშაოებისა და მასთან დაკავშირებული სხვა საჭირო ხარჯების დაფინანსების მიზნით.
2. ეთხოვოს მესტიის მუნიციპალიტეტს, რომ განკარგულების პირველი პუნქტით გათვალისწინებული 1 343 000 (ერთი მილიონ სამას ორმოცდასამი ათასი) ლარით გაზარდოს შპს „მესტია რიზორტსის“ კაპიტალი.“.
პრემიერ-მინისტრი ნიკა გილაური