საქართველოს მთავრობის
განკარგულება №2134
2011 წლის 4 ნოემბერი
ქ. თბილისი
მესტიის მუნიციპალიტეტში თეთნულდის სათხილამურო კომპლექსთან მისასვლელი საავტომობილო გზების მეორე ეტაპის სამშენებლო სამუშაოების განხორციელების შესახებ
1. საქართველოს რეგიონული განვითარებისა და ინფრასტრუქტურის სამინისტროს სახელმწიფო საქვეუწყებო დაწესებულებამ – საქართველოს საავტომობილო გზების დეპარტამენტმა:
ა) 2011-2012 წლებში უზრუნველყოს მესტიის მუნიციპალიტეტში თეთნულდის სათხილამურო კომპლექსთან მისასვლელი საავტომობილო გზების მეორე ეტაპის სამშენებლო სამუშაოებისა და მასთან დაკავშირებული საპროექტო და საზედამხედველო მომსახურების განხორციელება;
ბ) ამ განკარგულებით გათვალისწინებული სამშენებლო სამუშაოები განახორციელოს საპროექტო დოკუმენტაციის მომზადების პარალელურ რეჟიმში;
გ) ამ განკარგულებით გათვალისწინებული სამშენებლო სამუშაოებისა და მასთან დაკავშირებული საპროექტო და საზედამხედველო მომსახურების შეზღუდულ ვადებში შეუფერხებლად ჩატარების მიზნით, „სახელმწიფო შესყიდვების შესახებ“ საქართველოს კანონის 101 მუხლის მე-3 პუნქტის „დ“ ქვეპუნქტის შესაბამისად, სამშენებლო სამუშაოებისა და მასთან დაკავშირებული საპროექტო და საზედამხედველო მომსახურების სახელმწიფო შესყიდვები განახორციელოს გამარტივებული შესყიდვის საშუალებით;
დ) ამ განკარგულებით გათვალისწინებული სამშენებლო სამუშაოებისა და მასთან დაკავშირებული საპროექტო და საზედამხედველო მომსახურების სახელმწიფო შესყიდვა განახორციელოს „საქართველოს 2011 წლის სახელმწიფო ბიუჯეტის შესახებ“ საქართველოს კანონით საქართველოს საავტომობილო გზების დეპარტამენტისათვის „გზების პერიოდული შეკეთებისა და რეაბილიტაციის“ მუხლით (ორგანიზაციული კოდი: 25 04 01 02 01) განსაზღვრული ასიგნებებიდან.
2. საქართველოს ფინანსთა სამინისტრომ „საქართველოს 2011 წლის სახელმწიფო ბიუჯეტის შესახებ“ საქართველოს კანონში ცვლილებების შეტანის დროს გაითვალისწინოს ამ განკარგულებით გათვალისწინებული სამშენებლო სამუშაოებისა და მასთან დაკავშირებული საპროექტო და საზედამხედველო მომსახურების შესყიდვის დაფინანსებისათვის საჭირო თანხების საქართველოს საავტომობილო გზების დეპარტამენტისათვის გამოყოფის საკითხი.
3. საქართველოს რეგიონული განვითარებისა და ინფრასტრუქტურის სამინისტრომ და საქართველოს ფინანსთა სამინისტრომ 2012 წლის სახელმწიფო ბიუჯეტის პროექტის მომზადების დროს გაითვალისწინონ ამ განკარგულებით 2012 წელს განსახორციელებელი სამუშაოებისა და მომსახურების დაფინანსებისათვის საჭირო თანხები.
პრემიერ-მინისტრი ნიკა გილაური