საქართველოს მთავრობის
განკარგულება №2129
2011 წლის 4 ნოემბერი
ქ. თბილისი
„საქართველოს რეგიონებში განსახორციელებელი პროექტების ფონდიდან ადგილობრივი თვითმმართველი ერთეულებისათვის თანხის გამოყოფის შესახებ“ საქართველოს მთავრობის 2011 წლის 1 აპრილის №735 განკარგულებაში ცვლილების შეტანის თაობაზე
საქართველოს ზოგადი ადმინისტრაციული კოდექსის 63-ე მუხლის შესაბამისად, „საქართველოს რეგიონებში განსახორციელებელი პროექტების ფონდიდან ადგილობრივი თვითმმართველი ერთეულებისათვის თანხის გამოყოფის შესახებ“ საქართველოს მთავრობის 2011 წლის 1 აპრილის №735 განკარგულებაში შეტანილ იქნეს შემდეგი ცვლილება:
ა) №5 დანართის პირველი პუნქტი ჩამოყალიბდეს შემდეგი რედაქციით:
„1. თვითმმართველ ქალაქ რუსთავს – 8 000 000 (რვა მილიონი) ლარი შემდეგი პროექტების განსახორციელებლად:
ა) საცხოვრებელი კორპუსების რეაბილიტაცია;
ბ) მშენებარე იუსტიციის სახლის, ქორწინების სახლისა და ა(ა)იპ „რუსთავის კორპუსის“ მიმდებარე ტერიტორიის რეაბილიტაცია;
გ) ა(ა)იპ „რუსთავის კორპუსის“ ამხანაგობის განვითარების ხელშეწყობა;
დ) ა(ა)იპ „რუსთავის კორპუსის“ მშენებლობის დასრულება;
ე) გზების საფარის რეაბილიტაცია და გარე განათების მოწყობა;
ვ) მრავალსართულიან კორპუსებში ლიფტების რეაბილიტაცია;
ზ) ძველ რუსთავში მერიის შენობის წინ მდებარე მოედნის რეაბილიტაცია;
თ) ძველ რუსთავში სახლების სახურავების შეკეთება.“;
ბ) №5 დანართის მე-2 პუნქტი ჩამოყალიბდეს შემდეგი რედაქციით:
„2. გარდაბნის მუნიციპალიტეტს – 1 200 000 (ერთი მილიონ ორასი ათასი) ლარი შემდეგი პროექტების განსახორციელებლად:
ა) სოფელ კრწანისში 9‑სართულიანი კორპუსის საძირკვლის გამაგრებითი სამუშაოები;
ბ) მუნიციპალიტეტში გზების რეაბილიტაცია;
გ) ქ. გარდაბანში მრავალსართულიანი კორპუსების რეაბილიტაცია;
დ) სოფელ ვახტანგისში გარე განათების მოწყობა;
ე) სოფელ ახალსოფელში სასმელი წყლის სისტემების რეაბილიტაცია;
ვ) ქ. გარდაბანში დავით აღმაშენებლის ქუჩის რეაბილიტაცია.“.
პრემიერ-მინისტრი ნიკა გილაური