ქართული ღვინის ადგილწარმოშობის დასახელებების ყირგიზეთის რესპუბლიკის ტერიტორიაზე რეგისტრაციისა და დაცვის მიზნით განსახორციელებელ ღონისძიებათა შესახებ

ქართული ღვინის ადგილწარმოშობის დასახელებების ყირგიზეთის რესპუბლიკის ტერიტორიაზე რეგისტრაციისა და დაცვის მიზნით განსახორციელებელ ღონისძიებათა შესახებ

საქართველოს მთავრობის

განკარგულება №620

 2014 წლის 4 აპრილი

 ქ. თბილისი

ქართული ღვინის ადგილწარმოშობის დასახელებების ყირგიზეთის რესპუბლიკის ტერიტორიაზე რეგისტრაციისა და დაცვის მიზნით განსახორციელებელ ღონისძიებათა შესახებ

„სახელმწიფო შესყიდვების შესახებ“ საქართველოს კანონის 10¹ მუხლის მე‑3 პუნქტის „დ“ ქვეპუნქტისა და „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე‑6 მუხლის პირველი პუნქტის შესაბამისად, ქართული ღვინის ადგილწარმოშობის დასახელებების ყირგიზეთის რესპუბლიკის ტერიტორიაზე რეგისტრაციისა და დაცვის მიზნით:

    ა) მიენიჭოს უფლებამოსილება საჯარო სამართლის იურიდიულ პირს – საქართველოს ინტელექტუალური საკუთრების ეროვნულ ცენტრს „საქპატენტს“ (შემდგომში – „საქპატენტი“), რომ განახორციელოს ქართული ღვინის ადგილწარ­მოშობის დასახელებების ყირგიზეთის რესპუბლიკის შესაბამის უწყებაში რეგისტრაციისა და ზემოაღნიშნული ქვეყნის ტერიტორიაზე მათი დაცვისათვის საჭირო სხვა ღონისძიებები;

    ბ) „საქპატენტმა“ ქართული ღვინის ადგილწარმოშობის დასახელებების ყირგიზეთის რესპუბლიკის შესაბამის უწყებაში რეგისტრაციისა და ზემოაღნიშნული ქვეყნის ტერიტორიაზე მათი დაცვის მიზნით, სახელმწიფო შესყიდვა განახორციელოს გამარტივებული შესყიდვის საშუალებით;

   გ) ეთხოვოს „საქპატენტს“, რომ ამ განკარგულებით გათვალისწინებულ ღონისძიებებთან დაკავშირებული ხარჯები დაფაროს საკუთარი შემოსავლებიდან.

 

პრემიერ-მინისტრი                             ირაკლი ღარიბაშვილი