საქართველოს ფინანსთა სამინისტროს მიერ ზოგიერთი ღონისძიების განხორციელების თაობაზე

საქართველოს მთავრობის

განკარგულება №1454

2012 წლის 27 ივლისი

ქ. თბილისი

საქართველოს ფინანსთა სამინისტრომ „საქართველოს 2012 წლის სახელმწიფო ბიუჯეტის შესახებ“ საქართველოს კანონით გათვალისწინებული საქართველოს რეგიონებში განსახორციელებელი პროექტებისა და საქართველოს მთავრობის სარეზერვო ფონდების ასიგნებები შესაბამისად გაზარდოს 51 000 000 (ორმოცდათერთმეტი მილიონი) და 20 000 000 (ოცი მილიონი) ლარის ოდენობით და აღნიშნული მიზნით შეამციროს „საქართველოს 2012 წლის სახელმწიფო ბიუჯეტის შესახებ“ საქართველოს კანონით გათვალისწინებული :

ა) საქართველოს რეგიონული განვითარებისა და ინფრასტრუქტურის სამინისტროს ასიგნებები – 25 000 000 (ოცდახუთი მილიონი) ლარით;

ბ) საქართველოს ფინანსთა სამინისტროს ასიგნებები – 10 000 000 (ათი მილიონი) ლარით;

გ) საგარეო სახელმწიფო ვალდებულებების მომსახურებისა და დაფარვისათვის გათვალისწინებული ასიგნებები – 22 000 000 (ოცდაორი მილიონი) ლარით;

დ) წინა წლებში წარმოქმნილი დავალიანების დაფარვისა და სასამართლო გადაწყვეტილებების აღსრულების ფონდი – 14 000 000 (თოთხმეტი მილიონი) ლარით.

პრემიერ - მინისტრი ივანე მერაბიშვილი