ს აქართველოს მთ ავრობის
განკარგულება № 999
2012 წლის 24 მაისი
ქ. თბილისი
ხე-ტყის დამზადების სპეციალურ ლიცენზიაში ცვლილების შეტანის თაობაზე
1. „ტყით სარგებლობის ლიცენზიების გაცემის წესისა და პირობების შესახებ დებულების დამტკიცების თაობაზე“ საქართველოს მთავრობის 2005 წლის 11 აგვისტოს №132 დადგენილებით დამტკიცებული დებულების მე-8 მუხლის 33 პუნქტის შესაბამისად, საქართველოს ენერგეტიკისა და ბუნებრივი რესურსების სამინისტროს საჯარო სამართლის იურიდიულმა პირმა – ბუნებრივი რესურსების სააგენტომ უზრუნველყოს ინდივიდუალურ მეწარმე „ბექა ონიაშვილზე“ (ს/ნ 08001000366) გაცემული ხე-ტყის დამზადების სპეციალურ №100067 ლიცენზიაში ცვლილების შეტანა, კერძოდ, შეიცვალოს ლიცენზიით (საქართველოს ეკონომიკისა და მდგრადი განვითარების მინისტრის 2010 წლის 14 ივლისის №1-1/1179 ბრძანება) დადგენილი ფართობის ადგილმდებარეობა და განისაზღვროს ახმეტის სატყეო უბნის ქისტაურის სატყეოს კვარტალ №24‑ით, საერთო ფართობით – 284 ჰექტარი.
2. განკარგულების ძალაში შესვლიდან ლიცენზიატი – ინდივიდუალური მეწარმე „ბექა ონიაშვილი“ ვალდებულია „ტყით სარგებლობის ლიცენზიების გაცემის წესისა და პირობების შესახებ დებულების დამტკიცების თაობაზე“ საქართველოს მთავრობის 2005 წლის 11 აგვისტოს №132 დადგენილებითა და ლიცენზიით გათვალისწინებული პირობებით განახორციელოს ახმეტის სატყეო უბნის ქისტაურის სატყეოს კვარტალ №24‑ში, საერთო ფართობით – 284 ჰექტარზე, ხე-ტყის დამზადების სპეციალური №100067 ლიცენზიით განსაზღვრული იდენტური სახეობისა და ოდენობის მერქნული რესურსის მოპოვება.
პრემიერ-მინისტრი ნ. გილაური