საქართველოს მთავრობის
განკარგულება №1192
2012 წლის 18 ივნისი
ქ. თბილისი
„შპს „საქართველოს გაზის ტრანსპორტირების კომპანიის“ მიერ განსახორციელებელი ღონისძიებების შესახებ“ საქართველოს მთავრობის 2012 წლის 12 აპრილის №684 განკარგულებაში ცვლილების შეტანის თაობაზე
საქართველოს ზოგადი ადმინისტრაციული კოდექსის 63-ე მუხლის შესაბამისად, „შპს „საქართველოს გაზის ტრანსპორტირების კომპანიის“ მიერ განსახორციელებელი ღონისძიებების შესახებ“ საქართველოს მთავრობის 2012 წლის 12 აპრილის №684 განკარგულებაში შეტანილ იქნეს ცვლილება და პირველ პუნქტს დაემატოს შემდეგი შინაარსის „მ“ და „ნ“ ქვეპუნქტები:
„მ) თელავის მუნიციპალიტეტში გულგულა-ნაფარეულის 11 კმ-იანი დაბალი წნევის გაზსადენის მშენებლობა და ავტომატური გაზგამანაწილებელი სადგურის მოწყობა;
ნ) გურჯაანისა და ლაგოდეხის მუნიციპალიტეტებში გურჯაანი-აფენიკაბალის მიმართულებით 27 კმ-იანი დაბალი წნევის გაზსადენის მშენებლობა და ავტომატური გაზგამანაწილებელი სადგურის მოწყობა.“.
პრემიერ-მინისტრი ნიკა გილაური