ქ. ბათუმში განსახორციელებელ ღონისძიებათა შესახებ

საქართველოს მთავრობის

განკარგულება № 6 60

2012 წლის 12 აპრილი

ქ. თბილისი

ქ. ბათუმში განსახორციელებელ ღონისძიებათა შესახებ

1. მიღებულ იქნეს ცნობად, რომ შპს „რეილვეი ფროფერთი მენეჯმენტსა“ და საქართველოს ეკონომიკისა და მდგრადი განვითარების სამინისტროს შორის მიმდინარე წლის 6 აპრილს გაფორმებული ქონების ჩუქების ხელშეკრულების საფუძველზე, შპს „რეილვეი ფროფერთი მენეჯმენტმა“ Batumi Tower-ის მშენებლობის პროექტით გათვალისწინებული შენობის აშენების მიზნით საქართველოს ეკონომიკისა და მდგრადი განვითარების სამინისტროს ჩუქების გზით გადასცა Batumi Tower-ის მშენებლობის პროექტთან დაკავშირებული აქტივები (უფლებები) და ვალდებულებები.

2. მოწონებულ იქნეს საქართველოს ეკონომიკისა და მდგრადი განვითარების სამინისტროს წინადადება და შპს „რეილვეი ფროფერთი მენეჯმენტის“ მიერ Batumi Tower-ის მშენებლობის პროექტით გათვალისწინებული შენობის აშენების მიზნით გაფორმებულ ხელშეკრულებებში შპს „რეილვეი ფროფერთი მენეჯმენტის“ ნაცვლად „დამკვეთად“ განისაზღვროს შპს „ბათუმი თ აუერი“.

3. ამ განკარგულების მე‑2 პუნქტით გათვალისწინებული ხელშეკრულებების ფარგლებში გასაწევი ხარჯების დასაფინანსებლად საქართველოს ფინანსთა სამინისტრომ „საქართველოს 2012 წლის სახელმწიფო ბიუჯეტის შესახებ“ საქართველოს კანონის მე-19 მუხლის მე-2 პუნქტით გათვალისწინებული საქართველოს რეგიონებში განსახორციელებელი პროექტების ფონდიდან საქართველოს ეკონომიკისა და მდგრადი განვითარების სამინისტროს გამოუყოს 5 000 000 (ხუთი მილიონი) ლარი შპს „ბათუმი თ აუერისათვის“ გადასაცემად.

4. საქართველოს ეკონომიკისა და მდგრადი განვითარების სამინისტრომ ამ განკარგულების მე‑3 პუნქტით გამოყოფილი 5 000 000 (ხუთი მილიონი) ლარით გაზარდოს შპს „ბათუმი თ აუერის“ კაპიტალი.

პრემიერ - მინისტრი                                                              ნ. გილაური