ადმინისტრაციული ხელშეკრულების გაფორმების შესახებ

საქართველოს მთავრობის

განკარგულება №1124

2012 წლის 13 ივნისი

ქ. თბილისი

1. საქართველოს მთავრობის 2012 წლის 24 მაისის №972 განკარგულების 2.2 პუნქტით შპს „საქართველოს გაერთიანებული წყალმომარაგების კომპანიის“ (შემდგომში – კომპანია) კაპიტალის გასაზრდელად გათვალისწინებული თანხის გადარიცხვის პროცედურების განსახორციელებლად საქართველოს რეგიონული განვითარებისა და ინფრასტრუქტურის სამინისტრომ, საქართველოს ზოგადი ადმინისტრაციული კოდექსის მე-2 მუხლის პირველი ნაწილის „ზ“ ქვეპუნქტის, 65-ე, 66-ე, 69-ე მუხლების შესაბამისად, უზრუნველყოს კომპანიასთან „თანხის გადარიცხვის შესახებ“ ადმინისტრაციული ხელშეკრულების გაფორმება.

2. კომპანიამ უზრუნველყოს საქართველოს რეგიონული განვითარებისა და ინფრასტრუქტურის სამინისტროსათვის ინფორმაციის მიწოდება გადარიცხული თანხის ხარჯვის შესახებ, გადარიცხული თანხის სრულად გახარჯვის შემდეგ ან სამინისტროს მოთხოვნის შესაბამისად.

პრემიერ-მინისტრი ნიკა გილაური