საქართველოს მთავრობის
განკარგულება №273
2012 წლის 14 თებერვალი
ქ. თბილისი
საჯარო სამართლის იურიდიული პირის – სამოქალაქო ავიაციის სააგენტოს მიერ სახელმწიფო შესყიდვის გამარტივებული შესყიდვის საშუალებით განხორციელების შესახებ
„სახელმწიფო შესყიდვების შესახებ“ საქართველოს კანონის 101 მუხლის მე-3 პუნქტის „დ“ ქვეპუნქტის შესაბამისად, საქართველოს ეკონომიკისა და მდგრადი განვითარების სამინისტროს სისტემაში შემავალ სსიპ – სამოქალაქო ავიაციის სააგენტოში (შემდგომში – სააგენტო ) საერთაშორისო ორგანიზაციების (სამოქალაქო ავიაციის საერთაშორისო ორგანიზაცია – ICAO, ევროპის უსაფრთხოების სააგენტო – EASA, ევროპის სამოქალაქო ავიაციის კონფერენცია – ECAC, ევროპის სანავიგაციო უსაფრთხოების სააგენტო – Eurocontrol, უცხო ქვეყნის საჰაერო ხომალდების უსაფრთხოების პროგრამა – SAFA) მიერ უნივერსალური აუდიტის ჩატარებისა და სტანდარტიზაციის მისიების ორგანიზებასთან, სააგენტოს ფრენის უსაფრთხოების ინსპექტორების მომზადებასთან/გადამზადებასთან დაკავშირებული მომსახურებისა და საქონლის სახელმწიფო შესყიდვა სააგენტომ განახორციელოს საკუთარი სახსრებით, გამარტივებული შესყიდვის საშუალებით .
პრემიერ-მინისტრი ნ . გილაური