საქართველოს მთავრობის
განკარგულება №492
2012 წლის 23 მარტი
ქ. თბილისი
საქართველოს კულტურისა და ძეგლთა დაცვის სამინისტროს მიერ განსახორციელებელი ღონისძიების შესახებ
„საქართველოს 2012 წლის სახელმწიფო ბიუჯეტის შესახებ“ საქართველოს კანონის 36-ე მუხლის შესაბამისად, საქართველოს კულტურისა და ძეგლთა დაცვის სამინისტრომ წლიური საბიუჯეტო კანონით „ხელოვნების დარგების განვითარების ხელშეწყობა და პოპულარიზაცია საქართველოში და მისი ფარგლების გარეთ“ პროგრამისათვის გათვალისწინებული ასიგნებებიდან განახორციელოს ხარჯების დაფინანსება 180 000 (ას ოთხმოცი ათასი) ლარის ოდენობით, მიმდინარე წლის აპრილში ჰოლანდიაში, ბელგიასა და იტალიაში ვახტანგ კიკაბიძის საკონცერტო ტურნეს ჩატარებასთან დაკავშირებით.
პრემიერ-მინისტრი ნ. გილაური