საქართველოს მთავრობის
განკარგულება №1914
2012 წლის 31 ოქტომბერი
ქ. თბილისი
საქართველოს ცენტრალური საარჩევნო კომისიისთვის საქართველოს მთავრობის სარეზერვო ფონდიდან თანხის გამოყოფის შესახებ
საქართველოს ორგანული კანონის „საქართველოს საარჩევნო კოდექსი“ 56-ე მუხლის პირველი ნაწილის მოთხოვნების შესრულების მიზნით, საქართველოს ფინანსთა სამინისტრომ „საქართველოს 2012 წლის სახელმწიფო ბიუჯეტის შესახებ“ საქართველოს კანონით გათვალისწინებული საქართველოს მთავრობის სარეზერვო ფონდიდან საქართველოს ცენტრალურ საარჩევნო კომისიას გამოუყოს 2 000 000 (ორი მილიონი) ლარი 2012 წლის 1 ოქტომბრის საპარლამენტო არჩევნებში ორი საარჩევნო სუბიექტის – „ბიძინა ივანიშვილი – ქართული ოცნება“ და „ერთიანი ნაციონალური მოძრაობა – მეტი სარგებელი ხალხს“ საარჩევნო კამპანიის ხარჯების დასაფინანსებლად, თითოეულისათვის 1 000 000 (ერთი მილიონი) ლარის ოდენობით.
პრემიერ-მინისტრი ბ . ივანიშვილი