საქართველოს მთავრობის
განკარგულება №1853
2012 წლის 10 ოქტომბერი
ქ. თბილისი
„სახელმწიფო პროგრამა „იაფი კრედიტის“ ფარგლებში შერჩეული საწარმოებისათვის სესხის გამოყოფის შესახებ“ საქართველოს მთავრობის 2008 წლის 24 აპრილის №266 განკარგულებაში ცვლილების შეტანის თაობაზე
1. საქართველოს ზოგადი ადმინისტრაციული კოდექსის 63-ე მუხლის შესაბამისად, „სახელმწიფო პროგრამა „იაფი კრედიტის“ ფარგლებში შერჩეული საწარმოებისათვის სესხის გამოყოფის შესახებ“ საქართველოს მთავრობის 2008 წლის 24 აპრილის №266 განკარგულებაში შეტანილ იქნეს ცვლილება და პირველი პუნქტის „ე“ ქვეპუნქტი ჩამოყალიბდეს შემდეგი რედაქციით:
„ე) შპს „ტყიბულის ჩაის“ (საიდენტიფიკაციო ნომერი – 219635456) – 350 000 (სამას ორმოცდაათი ათასი) ლარის ოდენობით, 10 წლის ვადით, სესხით სარგებლობისათვის წლიური 9-პროცენტიანი განაკვეთით;“.
2. საჯარო სამართლის იურიდიულმა პირმა – საქართველოს მუნიციპალური განვითარების ფონდმა ზემოაღნიშნული პირობების შესაბამისად შეიტანოს ცვლილება შპს „ტყიბულის ჩაისთან“ გაფორმებულ სესხის ხელშეკრულებაში და გააფორმოს სესხის დაფარვის ახალი გრაფიკი.
პრემიერ-მინისტრი ი . მერაბიშვილი