შეტანილ იქნეს ცვლილება „თელავის მუნიციპალიტეტის ქონების აუქციონის ფორმით პრივატიზების წესის დამტკიცების შესახებ“ თელავის მუნიციპალიტეტის საკრებულოს 2010 წლის 14 სექტემბრისN20 დადგენილებაში და დადგენილებით დამტკიცებული დანართის მე-2 მუხლის მე-5 პუნქტი ჩამოყალიბდეს შემდეგი სახით:
„5. გამყიდველი ვალდებულია თელავის მუნიციპალიტეტის ქონების აუქციონის ან პირობიანი აუქციონის ფორმით პრივატიზების შესახებ ინფორმაცია გამოაქვეყნოს თელავის მუნიციპალიტეტის ოფიციალურ ვებგვერდზე www.telavi-gov.ge. ინფორმაციის საჯაროობის და ხელმისაწვდომობის უზრუნველსაყოფად საჯარო აუქციონის ფორმით მუნიციპალურ საკუთრებაში არსებული ქონების პრივატიზების შესახებ ინფორმაცია უნდა გამოქვეყნდეს აგრეთვე ისეთ პერიოდულ გამოცემაში, რომელიც გამოიცემა არანაკლებ კვირაში ხუთჯერ და ვრცელდება საქართველოს მთელ ტერიტორიაზე“.
|