იძულებით გადაადგილებულ პირთა – დევნილთა საცხოვრებელი ფართობით უზრუნველყოფის ღონისძიებათა შესახებ

საქართველოს მთავრობის

განკარგულება № 855

2010 წლის 3 ივლისი

ქ. თბილისი

1. საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტრომ „ საქართველოს 2010 წლის სახელმწიფო ბიუჯეტის შესახებ“ საქართველოს კანონით მისთვის გამოყოფილი ასიგნებებიდან (ორგანიზაციული კოდი – 34 06) მიმართოს 45 000 (ორმოცდახუთი ათასი) ლარი ქალაქ თბილისში, ჭიჭინაძის ქ. № 9-ში მდებარე სს „ ვითიბი ბანკი ჯორჯიას“ საკუთრებაში არსებული შენობის შესყიდვისათვის, შემდგომში მასში მცხოვრებ იძულებით გადაადგილებულ პირთა – დევნილთათვის საკუთრებაში გადაცემის მიზნით.

2. საქართველოს ეკონომიკისა და მდგრადი განვითარების სამინისტრომ ამ განკარგულების პირველი პუნქტით გათვალისწინებულ ღონისძიებათა განხორციელების მიზნით, კანონმდებლობის შესაბამისად უზრუნველყოს საცხოვრებელი ფართობის იძულებით გადაადგილებულ პირთა – დევნილთათვის საკუთრებაში გადაცემა.

პრემიერ-მინისტრი ნ. გილაური