კანონიერი მოსარგებლეებისათვის გადასაცემი არაპრივატიზებული საცხოვრებელი და არასაცხოვრებელი (იზოლირებული და არაიზოლირებული) ფართობის ადგილობრივი თვითმმართველობის აღმასრულებელი ორგანოების მიერ კანონიერი მოსარგებლეებისათვის უსასყიდლოდ საკუთრებაში გადაცემის წესის დამტკიცების შესახებ

          1. „კანონიერი მოსარგებლეებისათვის გადასაცემი არაპრივატი­ზე­ბუ­ლი საცხოვრებელი და არასაცხოვრებელი (იზოლირებული და არა­ი­ზოლირებული) ფართობის ადგილობრივი თვითმმართველობის აღ­მას­რულებელი ორგანოების მიერ კანონიერი მოსარგებლეებისათვის უსა­ს­ყიდლოდ საკუთრებაში გადაცემის წესი“ (დანართი №1).

          2. საკუთრების უფლების მოწმობის ფორმები (დანართი №2 და №3).

1. ეს წესი არეგულირებს სახელმწიფო საბინაო ფონდში საქართ­ველოს სამოქალაქო კოდექსის ამოქმედებამდე და ადგილობრივი თვი­თ­მმართველი ერთეულის საცხოვრებელ ფონდში არსებული, მათ შო­რის 2007 წლის 2 თებერვლამდე დროებით გადაცემული, არაპრივა­ტიზებული საცხოვრებელი და არასაცხოვრებელი (იზოლირებული და არაიზოლირებული) ფართობის კანონიერი მოსარგებლისათვის უსას­ყიდ­ლოდ საკუთრებაში გადაცემის წესსა და პირობებს, ამ პროცესში წარ­მოშობილ ურთიერთობებს და განსაზღვრავს წესით გათვალის­წი­ნე­­­ბული ურთიერთობის მხარეებსა და მათ უფლებამოსილებებს.

1¹. ეს წესი აგრეთვე ადგენს სამტრედიისა და ქალაქ ფოთის მუნიციპალიტეტების ტერიტორიაზე მდებარე იმ საცხოვრებელი და არასაცხოვრებელი (იზოლირებული და არაიზოლირებული) ფართობის კანონიერი მოსარგებლეებისათვის უსას­ყიდ­ლოდ საკუთრებაში გადაცემის სპეციალურ საფუძვლებს, რომელთა შესახებ დოკუმენტაცია არ არის დაცული შესაბამისი მუნიციპალიტეტის, საქართველოს ეკონომიკისა და მდგრადი განვითარების სამინისტროს სისტემაში შემავალი სსიპ − სახელმწიფო ქონების ეროვნული სააგენტოს, საქართველოს იუსტიციის სამინისტროს მმართველობის სფეროში მოქმედი სსიპ – საჯარო რეესტრის ეროვნული სააგენტოს, სსიპ – საქართველოს ეროვნული არქივისა და სსიპ – საქართველოს ნოტარიუსთა პალატის არქივებში.

1². ამ მუხლის 1¹ პუნქტით გათვალისწინებული საცხოვრებელი და არასაცხოვრებელი (იზოლირებული და არაიზოლირებული) ფართობის კანონიერი მოსარგებლისათვის უსას­ყიდ­ლოდ საკუთრებაში გადაცემისას გამოიყენება ამ წესით დადგენილი ნორმები, თუ ამავე წესის 5¹მუხლით სხვა რამ არ არის გათვალისწინებული.

2. წესის შესაბამისად ხორციელდება ექსპლუატაციაში მიუღებელ შენობებში არსებული არაპრივატიზებული საცხოვრებელი და არასაც­ხოვ­რებელი (იზოლირებული და არაიზოლირებული) ფართობის კა­ნო­ნიერი მოსარგებლეებისათვის უსასყიდლოდ საკუთრებაში გადა­ცე­მა.

3. საქართველოს თავდაცვის სამინისტროს და საქართველოს ში­ნა­გან საქმეთა სამინისტროს სახელმწიფო საქვეუწყებო დაწესე­ბუ­ლე­ბის ‑ საქართველოს სასაზღვრო პოლიციის ბალანსზე რიცხული სამ­სა­ხურებრივი დანიშნულების არაპრივატიზირებული საცხოვრებელი და არასაცხოვრებელი  (იზოლირებული და არაიზოლირებული) ფარ­თობის უსასყიდლოდ საკუთრებაში გადაცემის სპეციალური წინა­პირობები რეგულირდება შესაბამისი ნორმატიული აქტით დადგე­ნილი წესის შესაბამისად.

4. ეს წესი არ ვრცელდება იძულებით გადაადგილებულ პი­რ­თა ‑ დევნილთა და ქ. თბილისში მიწისძვრით დაზარალებულთა მი­ერ დროებით დაკავებული ფართობების უსასყიდლოდ საკუთრებაში გადაცემაზე.

საქართველოს მთავრობის 2016 წლის 9  ივნისის  დადგენილება №261 - ვებგვერდი, 13.06.2016წ.

მუხლი 2. ტერმინთა განმარტება

1. ამ წესში გამოყენებულ ტერმინებს აქვთ შემდეგი მნიშ­ვნელობა:

ა) საცხოვრებელი ფართობი ‑ შენობის ის ნაწილი, რომელიც გა­მოიყენება საცხოვრებლად;

ბ) არასაცხოვრებელი ფართობი ‑ შენობის ის ნაწილი, რომელიც არ გამოიყენება საცხოვრებლად;

 გ) იზოლირებული ფართობი ‑ იზოლირებულად ითვლება საც­ხო­ვრებელი ან არასაცხოვრებელი ფართობი, რომლითაც სარგებლობა არ არის დამოკიდებული სხვა საცხოვრებელი ან არასაცხოვრებელი ფართობით სარგებლობაზე;

დ) არაიზოლირებული ფართობი ‑ არაიზოლირებულად ითვ­ლება საცხოვრებელი ან არასაცხოვრებელი ფართობი, რომლითაც სარ­გებლობა დამოკიდებულია სხვა საცხოვრებელი ან არასაცხოვრებელი ფართობით სარგებლობაზე;

ე) კანონიერი მოსარგებლე - ფიზიკური პირი, რომელიც უფ­ლება­მოსილი ორგანოს მიერ გაცემული დოკუმენტის (ინდივიდუა­ლურ-ადმინისტრაციული სამართლებრივი აქტი, ბინის ორდერი, სა­ბინაო წიგნი და სხვ.) საფუძველზე კანონიერად სარგებლობს საც­ხოვრებელი და არასაცხოვრებელი (იზოლირებული ან არაიზოლი­რებული) ფართობით, ხოლო კანონიერი მოსარგებლის გარდაცვალე­ბის შემთხვევაში, მისი მემკვიდრე;

ვ) დროებით გადაცემული არაპრივატიზირებული საცხოვრე­ბელი და არასაცხოვრებელი (იზოლირებული და არაიზოლირებული) ფართობი: 

 ვ.ა) დროებითი სარგებლობის უფლებით გამოყოფილი საც­ხოვრებელი და არასაცხოვრებელი (იზოლირებული და არაიზო­ლირე­ბული) ფართობი, რომელიც კანონიერ მოსარგებლეს გადაეცა გარკვე­ული პირობით და ადგილობრივი თვითმმართველობის აღმასრუ­ლებელ ორგანოში განცხადების წარდგენისას აღნიშნული პირობის უფ­ლებამოსილი ორგანოს მიერ შესრულება შეუძლებელი ან/და მი­ზანშეუწონელია;

ვ.ბ) შრომითი ურთიერთობების არსებობის, განსაზღვრულ ორ­გა­ნოში წევრობის ან სხვა გარემოებიდან გამომდინარე, კანონიერი მო­სარგებლისათვის დროებითი სარგებლობის უფლებით გამოყოფილი საც­ხოვრებელი და არასაცხოვრებელი (იზოლირებული და არაიზო­ლი­რებული) ფართობი;

ზ) საკუთრებაში გადაცემა ‑ ადგილობრივი თვითმმართველობის აღმასრულებელი ორგანოს გადაწყვეტილების საფუძველზე არაპრივა­ტი­ზებულ საცხოვრებელ და არასაცხოვრებელ (იზოლირებული და არა­იზოლირებული) ფართობზე კანონიერი მოსარგებლეებისათვის უსასყიდლოდ საკუთრების უფლების მინიჭება;

თ) ადგილობრივი თვითმმართველობის აღმასრულებელი ორგა­ნოს გადაწყვეტილება  – მუნიციპალიტეტის გამგებლის/მერის, ხოლო ქალაქ თბილისის მუნიციპალიტეტში, ამ წესის მიზნებისათვის  –  შესაბამისი რაიონის გამგებლის ინდივიდუალური ადმინისტრაციულ-სამართ­ლებ­რივი აქტი;

ი) ინდივიდუალური საცხოვრებელი სახლი - საცხოვრებელი სახ­ლი, რომელიც შედგება ერთი ან ორი ინდივიდუალური საკუთ­რების საგნისაგან (ბინისაგან).

2. ამ მუხლის პირველი პუნქტის „ე“ ქვეპუნქტით გათვალისწინებულ კანონიერ მოსარგებლედ ასევე მიიჩნევა ის ფიზიკური პირი, რომელიც სარგებლობს ამ წესის პირველი მუხლის 1 ¹პუნქტით გათვალისწინებული საცხოვრებელი და არასაცხოვრებელი (იზოლირებული და არაიზოლირებული) ფართობით და მისი შესაბამისი ფართობით კანონიერი სარგებლობა დასტურდება ამავე წესის 5 ¹ მუხლის შესაბამისად.

საქართველოს მთავრობის 2016 წლის 9  ივნისის  დადგენილება №261 - ვებგვერდი, 13.06.2016წ.

მუხლი 3. საკუთრებაში გადაცემისათვის უფლებამოსილი ორგანო

არაპრივატიზებული საცხოვრებელი და არასაცხოვრებელი (იზოლირებული და არაიზოლირებული) ფართობის კანონიერი მოსარგებლისათვის საკუთრებაში გადაცემის შესახებ გადაწყვეტილებას იღებს შე­საბამისი ადგილობრივი თვითმმართველობის აღმასრულებელი ორგანო – მუნიციპალიტეტის გამგებელი/მერი, ხოლო ქალაქ თბი­ლისის მუნიციპალიტეტში, ამ წესის მიზნებისათვის – შესაბამისი რაიონის გამგებელი, საქართველოს ორგანული კანონის „ადგილობრივი თვითმმართვე­ლობის კოდექსის“, ამ წესისა და აგრეთვე სხვა საკანონმდებლო და კანონქვემდებარე აქტების  შესაბამისად.

საქართველოს მთავრობის 2016 წლის 9  ივნისის  დადგენილება №261 - ვებგვერდი, 13.06.2016წ.

მუხლი 4. საკუთრებაში გადაცემის მოთხოვნა

1. არაპრივატიზებული საცხოვრებელი და არასაცხოვრებელი (იზო­ლირებული და არაიზოლირებული) ფართობის საკუთრებაში გა­დაცემის განხილვის საფუძველია კანონიერი მოსარგებლის წერილო­ბითი განცხადება შესაბამის ადგილობრივი თვითმმართველობის აღ­მას­რულებელ ორგანოში.

2. განცხადება უნდა იყოს შედგენილი წერილობითი ფორმით და შეიცავდეს:

ა) იმ ადგილობრივი თვითმმართველობის აღმასრულებელ ორ­გა­ნოს დასახელებას, რომელსაც მიმართავს განმცხადებელი;

ბ) განმცხადებლის ვინაობასა და მისამართს;

დ) განცხადებაზე დართული საბუთების ნუსხას.

3. განცხადებას უნდა დაერთოს:

ა) არაპრივატიზებული საცხოვრებელი და არასაცხოვრებელი (იზოლირებული და არაიზოლირებული) ფართობის კანონიერი სარ­გებლობის დამადასტურებელი დოკუმენტი (ინდივიდუალურ-ადმი­ნის­ტრაციული სამართლებრივი აქტი, ბინის ორდერი, საბინაო წიგნი და სხვ.); კანონიერი მოსარგებლის გარდაცვალების შემთხვევაში, აგ­რეთვე მემკვიდრეობის დამადასტურებელი შესაბამისი დოკუმენტი;

ბ) განმცხადებლის პირადობის დამადასტურებელი დოკუმენ­ტის ას­ლი, ხოლო წარმომადგენლობის შემთხვევაში, დამატებით წარ­მო­მა­დ­გენლის პირადობის დამადასტურებელი დოკუმენტის ასლი და წარ­მო­მადგენლობის დამადასტურებელი დოკუმენტი;

გ) საცხოვრებელი და არასაცხოვრებელი (იზოლირებული და არაიზოლირებული) ფართობის აზომვითი ნახაზი;

დ) ნოტარიულად დამოწმებული თანხმობა (თანხმობები), თუკი კანონიერი სარგებლობის დამადასტურებელ დოკუმენტში მითითე­ბუ­ლია რამდენიმე კანონიერი მოსარგებლე და საკუთრებაში გადაცემის მოთხოვნის უფლების დათმობა ხდება კანონიერი მოსარგებლის (მო­სარგებლეების) მიერ ერთი ან რამდენიმე კანონიერი მოსარგებლის სა­სარგებლოდ;

ე) გარკვეული პირობით დროებით გადაცემული არაპრივატი­ზი­რებული საცხოვრებელი და არასაცხოვრებელი (იზოლირებული და არაიზოლირებული) ფართობის უსასყიდლოდ საკუთრებაში გადაცე­მისას კანონიერი მოსარგებლის (მოსარგებლეების) ნოტარიულად და­მოწმებული წერილობითი უარი უფლებამოსილი ორგანოსაგან პირო­ბის შესრულების მოთხოვნაზე, რომელიც დამოკიდებული იქნება მი­სი განცხადების დაკმაყოფილების პირობაზე;

ვ) დროებით გადაცემული არაპრივატიზებული საცხოვრებელი და არასაცხოვრებელი (იზოლირებული და არაიზოლირებული) ფარ­თო­ბის უსასყიდლოდ საკუთრებაში გადაცემის კანონიერი მოსარგებ­ლის (მოსარგებლეების) მიერ 2007 წლის 2 თებერვლამდე აღნიშნულ ფართობზე რეგისტრაციის დამადასტურებელი საბუთი;

ზ) ინდივიდუალურ საცხოვრებელ სახლში არსებულ საცხოვრე­ბელ და არასაცხოვრებელ (იზოლირებულ და არაიზოლირებულ) ფარ­თობთან ერთად შესაბამისი მიწის ნაკვეთის უსასყიდლოდ საკუთ­რებაში გადაცემისას, მიწის ნაკვეთის საკადასტრო აზომვითი ნახაზი, აგ­რეთვე ინფორმაცია ტექნიკური ინვენტარიზაციის არქივიდან (ცნო­ბა-დახასიათება, საინვენტარიზაციო გეგმა და სხვა).

4. ადგილობრივი თვითმმართველობის აღმასრულებელ ორგანო­ში წარდგენისას, ინდივიდუალურ საცხოვრებელ სახლზე დამაგრებუ­ლი მიწის ნაკვეთის საკადასტრო აზომვით ნახაზში მითითებული ფა­რ­­თობი არ უნდა აღემატებოდეს ტექნიკური ინვენტარიზაციის არქივ­ში დაცულ საინვენტარიზაციო გეგმაში მითითებულ მიწის ნაკვეთის ფა­რ­თობს. თუ ტექნიკური ინვენტარიზაციის არქივში არ არის დაცუ­ლი ინფორმაცია მიწის ნაკვეთის შესახებ, საკადასტრო აზომვით ნახა­ზ­ში მიეთითება მიწის ნაკვეთის მხოლოდ ის ფართობი, რომელზე­დაც უშუ­ალოდ განლაგებულია ინდივიდუალური საცხოვრებელი სახ­ლი.

5. განმცხადებელს უფლება აქვს განცხადებას დაურთოს ასევე სხვა დოკუმენტი, რომელიც შეიძლება საფუძვლად დაედოს განმ­ცხა­დებლის მიერ მოთხოვნილი საკითხის გადაწყვეტას.

6. ადგილობრივი თვითმმართველობის აღმასრულებელი ორგანო ვალდებულია დადგენილი წესით რეგისტრაციაში გაატაროს განცხა­დება, დასვას მასზე რეგისტრაციის თარიღი, ნომერი და დაუყოვნებ­ლივ გადასცეს განმცხადებელს განცხადების რეგისტრაციაში გატა­რე­ბის დამადასტურებელი დოკუმენტი.

7. ადგილობრივი თვითმმართველობის აღმასრულებელი ორგანო 3 სამუშაო დღის ვადაში ამოწმებს განცხადების შესაბამისობას ამ მუ­ხ­ლის მე-2 და მე-3 პუნქტების მოთხოვნებთან და იმ შემთხვევაში, თუ აღმოჩნდება, რომ განმცხადებელმა არ წარადგინა ამ პუნქტებით გათვალისწინებული რაიმე დოკუმენტი ან ინფორმაცია, იგი დაუყოვ­ნებლივ განუსაზღვრავს მას 15 სამუშაო დღის ვადას, რომლის განმავ­ლობაშიც განმცხადებელმა უნდა წარადგინოს დამატებითი დოკუ­მენტი ან ინფორმაცია.

8. დამატებითი დოკუმენტების წარდგენის შემთხვევაში, ადგი­ლობ­რივი თვითმმართველობის აღმასრულებელი ორგანო რეგისტრი­რებულ განცხადებასა და რეგისტრაციის დამადასტურებელ დოკუმენ­ტში აღნიშნავს დამატებით წარმოდგენილ დოკუმენტაციას, წარდგე­ნის თარიღს და ადასტურებს ბეჭდით.

9. დამატებითი დოკუმენტის ან სხვა ინფორმაციის წარდგენამდე გან­ცხადების ვადის დინება შეჩერებულად ითვლება.

10. თუ დადგენილ ვადაში განმცხადებელი არ წარადგენს შესა­ბამის დოკუმენტს ან ინფორმაციას, ადგილობრივი თვითმმართვე­ლობის აღმასრულებელი ორგანო გამოიტანს გადაწყვეტილებას გან­ცხა­დების განუხილველად დატოვების შესახებ.

11. განცხადების განხილვის ვადის დინება განახლდება მხოლოდ განმცხადებლის მიერ შესაბამისი საბუთის ან ინფორმაციის წარდგე­ნისთანავე.

საქართველოს მთავრობის 2016 წლის 9  ივნისის  დადგენილება №261 - ვებგვერდი, 13.06.2016წ.

მუხლი 5. გადაწყვეტილების მიღება

1. ადგილობრივი თვითმმართველობის აღმასრულებელი ორგა­ნოს მიერ საკუთრებაში გადაცემის მოთხოვნის შესახებ განცხადება განიხილება და გადაწყვეტილება მიიღება განცხადების წარდგენიდან 15 დღეში.

2. თუ კანონიერი მოსარგებლის მიერ წარდგენილი განცხადება და თანდართული დოკუმენტები აკმაყოფილებს ამ წესით გათვალის­წინებულ  მოთხოვნებს, ადგილობრივი თვითმმართველობის აღ­მას­რუ­­ლე­ბელი ორგანო დადგენილ ვადაში იღებს გადაწყვეტილებას საცხოვრებელი და არასაცხოვრებელი (იზოლირებული და არაიზო­ლი­რებული) ფართობის კანონიერი მოსარგებლის საკუთრებაში გადა­ცემის თაობაზე.

3. ადგილობრივი თვითმმართველობის აღმასრულებელი ორგანო უფლებამოსილია მიიღოს გადაწყვეტილება კანონიერი სარგებლობის დამადასტურებელ დოკუმენტში მითითებულ საცხოვრებელ ან/და არა­საც­ხოვრებელ (იზოლირებულ ან/და არაიზოლირებულ) ფართობ­თან ერთად კანონიერი მოსარგებლის მიერ დაკავებული მომიჯნავე ფართობის საკუთრებაში გადაცემის თაობაზეც, თუკი აღნიშნული მომიჯნავე ფართობის გარეშე საცხოვრებელი ან/და არასაცხოვრებელი (იზოლირებული ან/და არაიზოლირებული) ფართობით დამოუკიდებ­ლად სარგებლობა შეუძლებელია და იგი არ წარმოადგენს ცალკე უფლების ობიექტს.

4. თუ კანონიერი სარგებლობის დამადასტურებელ დოკუმენტში მითითებულია რამდენიმე კანონიერი მოსარგებლე, მათ საცხოვრე­ბელი ან/და არასაცხოვრებელი (იზოლირებული ან/და არაიზოლირე­ბული) ფართობი შეიძლება გადაეცეთ საერთო საკუთრებაში ყველა კა­ნონიერი მოსარგებლის ურთიერთშეთანხმების საფუძველზე.

5. ინდივიდუალურ საცხოვრებელ სახლში არსებული საცხოვრე­ბელი და არასაცხოვრებელი (იზოლირებული და არაიზოლირებული) ფართობის უსასყიდლოდ საკუთრებაში გადაცემისას, ადგილობრივი თვითმმართველობის აღმასრულებელი ორგანო იღებს გადაწყვეტი­ლებას კანონიერი მოსარგებლისათვის შესაბამისი მიწის ნაკვეთის უსას­ყიდლოდ საკუთრებაში გადაცემის შესახებ.

6. თუ ინდივიდუალური საცხოვრებელი სახლი შედგება ორი ინ­დი­ვიდუალური საკუთრების საგნისაგან (ბინისაგან) ან/და ინდივი­დუალურ საცხოვრებელ სახლში არსებული საცხოვრებელი და არასაც­ხოვ­რებელი (იზოლირებული და არაიზოლირებული) ფართობი კანო­ნიერ მოსარგებლეებს გადაეცემათ თანასაკუთრებაში, ადგილობ­რივი თვითმმართველობის აღმასრულებელი ორგანო იღებს გადაწყვე­ტილებას შესაბამისი მიწის ნაკვეთის საერთო საკუთრებაში გადაცემის შესახებ.

7. კულტურული მემკვიდრეობის ძეგლად მიჩნეულ შენობაში არ­სებული საცხოვრებელი და არასაცხოვრებელი (იზოლირებული და არაიზოლირებული) ფართობის საკუთრებაში გადაცემა დაიშვება საქართველოს კულტურისა და ძეგლთა დაცვის სამინისტროს თანხ­მობით, კანონმდებლობით დადგენილი წესის შესაბამისად.

8. თუ  კანონიერი მოსარგებლის მიერ წარდგენილ განცხადე­ბაზე თანდართული დოკუმენტები არ ადასტურებს საცხოვრებელ და არასაცხოვრებელ (იზოლირებულ და არაიზოლირებულ) ფართობზე განმცხადებლის კანონიერი სარგებლობის უფლების ფაქტს, ადგი­ლობ­რივი თვითმმართველობის აღმასრულებელი ორგანო იღებს გადაწყვე­ტილებას განცხადების დაკმაყოფილებაზე უარის თქმის შესახებ.

9. ადგილობრივი თვითმმართველობის აღმასრულებელი ორგა­ნოს მიერ მიღებული გადაწყვეტილება შეიძლება გასაჩივრდეს მოქ­მედი კანონმდებლობის შესაბამისად.

მუხლი 5¹. სამტრედიისა და ქალაქ ფოთის მუნიციპალიტეტების ტერიტორიაზე არსებული საცხოვრებელი და არასაცხოვრებელი (იზოლირებული და არაიზოლირებული) ფართობის საკუთრებაში გადაცემის მოთხოვნით განცხადების წარდგენისა და გადაწყვეტილების მიღების წესი

1. ადგილობრივი თვითმმართველობის აღმასრულებელი ორგანოს მიერ ამ წესის პირველი მუხლის 1¹ პუნქტით გათვალისწინებული საცხოვრებელი და არასაცხოვრებელი (იზოლირებული და არაიზოლირებული) ფართობის ფიზიკური პირისთვის უსას­ყიდ­ლოდ საკუთრებაში გადაცემის საკითხის განხილვის საფუძველია დაინტერესებული პირის შესაბამისი წერილობითი განცხადება.

2. ადგილობრივი თვითმმართველობის აღმასრულებელ ორგანოში წარდგენილ განცხადებას უნდა ერთოდეს:

ა) ინფორმაცია იმის თაობაზე, რომ საკუთრებაში გადასაცემი საცხოვრებელი და არასაცხოვრებელი (იზოლირებული და არაიზოლირებული) ფართობის შესახებ უფლების დამდგენი დოკუმენტაცია არ არის დაცული საქართველოს ეკონომიკისა და მდგრადი განვითარების სამინისტროს სისტემაში შემავალი სსიპ − სახელმწიფო ქონების ეროვნული სააგენტოს, საქართველოს იუსტიციის სამინისტროს მმართველობის სფეროში მოქმედი სსიპ – საჯარო რეესტრის ეროვნული სააგენტოს, სსიპ – საქართველოს ეროვნული არქივისა და სსიპ −საქართველოს ნოტარიუსთა პალატის არქივებში;

ბ) საკუთრებაში გადასაცემი საცხოვრებელი და არასაცხოვრებელი (იზოლირებული და არაიზოლირებული) ფართობით 2007 წლის 2 თებერვლამდე სარგებლობის ფაქტის დამადასტურებელი დოკუმენტი. ასეთად შეიძლება მიჩნეულ იქნეს ბინათმესაკუთრეთა ამხანაგობის წევრთა არანაკლებ 2/3-ის მიერ მიღებული გადაწყვეტილება, რომლითაც დადასტურებული იქნება საკუთრებაში გადასაცემი ფართობით კანონიერად სარგებლობის ფაქტი, ხოლო ბინათმესაკუთრეთა ამხანაგობის წევრთა იდენტიფიცირების შეუძლებლობის შემთხვევაში – ამავე მრავალბინიან სახლში მცხოვრები არანაკლებ 2 კანონიერი მოსარგებლის ნოტარიულად დამოწმებული დასტური, რომლებსაც კანონიერი სარგებლობა უდგინდებათ ამ წესის მე-2 მუხლის პირველი პუნქტის „ე“ ქვეპუნქტით გათვალისწინებული დოკუმენტის საფუძველზე;

გ) ინფორმაცია საკუთრებაში გადასაცემი საცხოვრებელი და არასაცხოვრებელი (იზოლირებული და არაიზოლირებული) ფართობის უფლებრივი მდგომარეობის შესახებ უძრავ ნივთებზე უფლებათა რეესტრისა და ტექნიკური აღრიცხვის არქივიდან;

დ)  ამ დადგენილების ამოქმედებამდე შედგენილი/გაცემული წყლის, ბუნებრივი აირის, ელექტროენერგიის ან ტელეფონის აბონენტად აღრიცხვის დამადასტურებელი დოკუმენტი ან/და გადახდის ქვითარი, ასეთის არსებობის შემთხვევაში;

ე) საკუთრებაში გადასაცემი ფართობის აზომვითი ნახაზი;

ვ) განმცხადებლის პირადობის დამადასტურებელი დოკუმენტის ასლი, ხოლო წარმომადგენლობის შემთხვევაში, დამატებით, წარმომადგენლის პირადობის დამადასტურებელი დოკუმენტის ასლი და წარმომადგენლობის დამადასტურებელი დოკუმენტი;

ზ) სამკვიდრო მოწმობა და მემკვიდრის პირადობის დამადასტურებელი დოკუმენტის ასლი, თუ განცხადების წარდგენის მომენტისათვის საკუთრებაში გადასაცემი ფართობის კანონიერი მოსარგებლე გარდაცვლილია.

3. განმცხადებელი უფლებამოსილია, ადგილობრივი თვითმმართველობის აღმასრულებელ ორგანოს წარუდგინოს სხვა ნებისმიერი დოკუმენტი, რომელიც შეიძლება საფუძვლად დაედოს საკითხის გადაწყვეტას.

4. ადგილობრივი თვითმმართველობის აღმასრულებელი ორგანოს მიერ კანონიერი მოსარგებლისათვის საკუთრებაში გადასაცემი ფართობის მდებარეობის იდენტიფიცირების საფუძველია საქართველოს იუსტიციის სამინისტროს მმართველობის სფეროში მოქმედი სსიპ – საჯარო რეესტრის ეროვნული სააგენტოს სამისამართო რეესტრში გეოგრაფიული ობიექტის დამისამართების მიზნებისთვის შექმნილი/დამუშავებული ინფორმაცია.

5. ადგილობრივი თვითმმართველობის აღმასრულებელი ორგანო უფლებამოსილია, ადგილზე გადაამოწმოს განმცხადებლის მიერ წარდგენილი ინფორმაცია და შეადგინოს შესაბამისი ოქმი.

6. თუ წარდგენილი დოკუმენტაციით დადგინდება რამდენიმე კანონიერი მოსარგებლის არსებობა, მათ ფართობი შეიძლება გადაეცეთ საერთო საკუთრებაში, ყველა კანონიერი მოსარგებლის მიერ წერილობით გაფორმებული შეთანხმების საფუძველზე. კანონიერი მოსარგებლე უფლებამოსილია, ერთი ან რამდენიმე კანონიერი მოსარგებლის სასარგებლოდ დათმოს საკუთრებაში გადაცემის მოთხოვნის უფლება. მოთხოვნის დათმობა მოწმდება ნოტარიულად.

7. ამ მუხლით დადგენილი წესი არ გამოიყენება, თუ დადგინდება საკუთრების ან/და ამ წესის მე-2 მუხლის პირველი პუნქტის „ე“ ქვეპუნქტით გათვალისწინებული კანონიერი სარგებლობის დამადასტურებელი დოკუმენტის არსებობა.

8. 2021 წლის პირველი იანვრიდან, კანონიერი მოსარგებლე კარგავს საცხოვრებელი და არასაცხოვრებელი (იზოლირებული და არაიზოლირებული) ფართობის, ამ მუხლის შესაბამისად, უსასყიდლოდ საკუთრებაში გადაცემის მოთხოვნის უფლებას. აღნიშნული თარიღის შემდეგ საკუთრების უფლების მოპოვება შესაძლებელია ზოგადი წესის შესაბამისად.

საქართველოს მთავრობის 2016 წლის 9  ივნისის  დადგენილება №261 - ვებგვერდი, 13.06.2016წ.

მუხლი 6. საკუთრებაში გადაცემის ხელახლა მოთხოვნა

იმ შემთხვევაში, როდესაც არსებობს ადგილობრივი თვით­მმარ­თველობის აღმასრულებელი ორგანოს მიერ მიღებული გადაწყვე­ტილება განცხადების განუხილველად დატოვების ან განცხადების დაკმაყოფილებაზე უარის თქმის თაობაზე, საცხოვრებელი და არასაც­ხოვრებელი (იზოლირებული და არაიზოლირებული) ფართობის სა­კუთ­რებაში გადაცემის განხილვის შესახებ განცხადება შესაძლებელია განმეორებით იქნეს წარდგენილი, თუ ფაქტობრივი ან სამართლებ­რივი მდგომარეობა, რომელიც საფუძვლად დაედო ადგილობრივი თვით­მმართველობის აღმასრულებელი ორგანოს გადაწყვეტილებას, შეიცვალა განმცხადებლის სასარგებლოდ.

მუხლი 7. საკუთრების უფლების მოწმობა

1. კანონიერი მოსარგებლის განცხადების დაკმაყოფილების შესა­ხებ მიღებული გადაწყვეტილების საფუძველზე, ადგილობრივი თვითმმართველობის აღმასრულებელი ორგანო გასცემს საცხოვრებელი და არასაცხოვრებელი (იზოლირებული და არაიზოლირებული) ფართო­ბის კანონიერი მოსარგებლის საკუთრებაში გადაცემის დამადას­ტურებელ დოკუმენტს – საკუთრების უფლების მოწმობას (დანართი №2) და დამოწმებულ საცხოვრებელი და არასაცხოვრებელი (იზოლირებული და არაიზოლირებული) ფართობის აზომ­ვით ნახაზს.

2. ინდივიდუალურ საცხოვრებელ სახლში არსებულ საცხოვრე­ბელ და არასაცხოვრებელ (იზოლირებულ და არაიზოლირებულ) ფარ­თობთან ერთად,  შესაბამისი მიწის ნაკვეთის უსასყიდლოდ საკუთრე­ბაში გადაცემისას, ადგილობრივი თვითმმართველობის აღმასრულე­ბელი ორგანო გასცემს საცხოვრებელი და არასაცხოვრებელი (იზოლი­რებული და არაიზოლირებული) ფართობის კანონიერი მოსარგებლის საკუთრებაში გადაცემის დამადასტურებელ დოკუმენტს – საკუთრების უფლების მოწმობას (დანართი №3), საცხოვრებელი და არასაცხოვრებელი (იზოლირებული და არაიზოლირებული) ფართო­ბის დამოწმებულ აზომვით ნახაზს და მიწის ნაკვეთის საკა­დასტრო აზომვით ნახაზს.

3. კანონიერ სარგებლობაში არსებულ საცხოვრებელ და არასაც­ხო­ვ­რებელ ფართობზე საკუთრების უფლების წარმოშობისათვის აუ­ცი­ლე­ბელია საკუთრების უფლების მოწმობის საფუძველზე უფლების სსიპ ‑ საჯარო რეესტრის ეროვნულ სააგენტოში რეგისტრაცია.

საქართველოს მთავრობის 2016 წლის 9  ივნისის  დადგენილება №261 - ვებგვერდი, 13.06.2016წ.