საქართველოს მთავრობის
განკარგულება № 410
2010 წლის 30 მარტი
ქ. თბილისი
იაპონიის საერთაშორისო თანამშრომლობის სააგენტოსა (JICA) და საქართველოს შორის გაფორმებული „ აღმოსავლეთ-დასავლეთის ჩქაროსნული ავტომაგისტრალის გაუმჯობესების პროექტის შესახებ“ სასესხო ხელშეკრულების (NGRG-P2) ფარგლებში შესყიდვების პროცედურების განხორციელების თაობაზე
„ სახელმწიფო შესყიდვების შესახებ“ საქართველოს კანონის პირველი მუხლის მე-4 პუნქტის შესაბამისად და საქართველოს მთავრობის 2009 წლის 9 დეკემბრის №921 განკარგულების მე-5 პუნქტის გათვალისწინებით, საქართველოს რეგიონული განვითარებისა და ინფრასტრუქტურის სამინისტროს სახელმწიფო საქვეუწყებო დაწესებულებამ – საქართველოს საავტომობილო გზების დეპარტამენტმა იაპონიის საერთაშორისო თანამშრომლობის სააგენტოსა (JICA) და საქართველოს შორის გაფორმებული „ აღმოსავლეთ-დასავლეთის ჩქაროსნული ავტომაგისტრალის გაუმჯობესების პროექტის შესახებ“ სასესხო ხელშეკრულების (NGRG-P2) ფარგლებში სახელმწიფო შესყიდვების პროცედურების განხორციელების დროს გამოიყენოს იაპონიის საერთაშორისო თანამშრომლობის სააგენტოს (JICA) მიერ განსაზღვრული შესყიდვების პროცედურები (შესაბამისი წესები და ინსტრუქციები).
პრემიერ-მინისტრი ნ. გილაური