საქართველოს მთავრობის
განკარგულება №1098
2013 წლის 21 აგვისტო
ქ. თბილისი
„სამელიორაციო სისტემების ფუნქციონირებასთან დაკავშირებული ზოგიერთი ღონისძიებების განხორციელების თაობაზე“ საქართველოს მთავრობის 2013 წლის 31 ივლისის №1014 განკარგულებაში ცვლილების შეტანის თაობაზე
საქართველოს ზოგადი ადმინისტრაციული კოდექსის 63‑ე მუხლის შესაბამისად, „სამელიორაციო სისტემების ფუნქციონირებასთან დაკავშირებული ზოგიერთი ღონისძიებების განხორციელების თაობაზე“ საქართველოს მთავრობის 2013 წლის 31 ივლისის №1014 განკარგულებაში შეტანილ იქნეს ცვლილება და განკარგულების მე-4 პუნქტი ჩამოყალიბდეს შემდეგი რედაქციით:
„4. სამელიორაციო სისტემის ექსპლუატაციასთან დაკავშირებული ხარჯების დაფინანსების მიზნით, საქართველოს ფინანსთა სამინისტრომ „საქართველოს 2013 წლის სახელმწიფო ბიუჯეტის შესახებ“ საქართველოს კანონით გათვალისწინებული საქართველოს რეგიონებში განსახორციელებელი პროექტების ფონდიდან საქართველოს სოფლის მეურნეობის სამინისტროს გამოუყოს 500 000 ლარი, შემდგომში შპს „საქართველოს გაერთიანებული სამელიორაციო სისტემების კომპანიის“ ანგარიშზე გადარიცხვის მიზნით.“.
პრემიერ‑მინისტრი ბ. ივანიშვილი