საქართველოს მთავრობის
განკარგულება №100
2009 წლის 18 თებერვალი
ქ. თბილისი
„საქართველოს რეგიონებში განსახორციელებელი პროექტების ფონდიდან ადგილობრივი თვითმმართველი ერთეულებისთვის თანხის გამოყოფის შესახებ“ საქართველოს მთავრობის 2009 წლის 20 იანვრის №34 განკარგულებაში ცვლილების შეტანის თაობაზე
1. საქართველოს ზოგადი ადმინისტრაციული კოდექსის 63-ე მუხლის შესაბამისად ,,საქართველოს რეგიონებში განსახორციელებელი პროექტების ფონდიდან ადგილობრივი თვითმმართველი ერთეულებისთვის თანხის გამოყოფის შესახებ“ საქართველოს მთავრობის 2009 წლის 20 იანვრის №34 განკარგულებაში შეტანილ იქნეს ცვლილება და განკარგულების №2 დანართის პირველი პუნქტის „ა“ ქვეპუნქტი ჩამოყალიბდეს შემდეგი რედაქციით:
„ა) ქ. ქუთაისის ისტორიული ნაწილის რეაბილიტაცია;“.
2. „სახელმწიფო შესყიდვების შესახებ“ საქართველოს კანონის მე-10 მუხლის მე-3 პუნქტის „ე“ ქვეპუნქტის შესაბამისად, სახელმწიფოებრივი და საზოგადოებრივი მნიშვნელობის ღონისძიებების შეზღუდულ ვადებში შეუფერხებლად შესრულების მიზნით ნება დაერთოს ქ. ქუთაისის მერიას, რომ ისტორიული ნაწილის რეაბილიტაციის საკითხთან დაკავშირებით ერთ პირთან მოლაპარაკების საშუალებით 1 182 400 (ერთი მილიონ ას ოთხმოცდაორი ათას ოთხასი) ლარის ფარგლებში განახორციელოს წინა საპროექტო და საპროექტო სამუშაოებისთვის საჭირო სახელმწიფო შესყიდვა.
3. განკარგულება ძალაშია ხელმოწერის დღიდან.
პრემიერ-მინისტრი ნიკა გილაური