საქართველოს მთავრობის
განკარგულება № 81
2013 წლის 21 იანვარი
ქ. თბილისი
საჯარო სამართლის იურიდიული პირის - საქართველოს სტანდარტებისა და მეტროლოგიის ეროვნული სააგენტოსათვის „საქართველოს 2013 წლის სახელმწიფო ბიუჯეტის შესახებ“ საქართველოს კანონით გათვალისწინებულ შეზღუდვაზე გამონაკლისის დაშვების თაობაზე
1. „საქართველოს 2013 წლის სახელმწიფო ბიუჯეტის შესახებ საქართველოს კანონის” 23-ე მუხლის მე-7 პუნქტის შესაბამისად, საჯარო სამართლის იურიდიულ პირზე - საქართველოს სტანდარტებისა და მეტროლოგიის ეროვნულ სააგენტოზე არ გავრცელდეს „საქართველოს 2013 წლის სახელმწიფო ბიუჯეტის შესახებ“ საქართველოს კანონის 23-ე მუხლის პირველი პუნქტით გათვალისწინებული შეზღუდვა და მიეცეს თანხმობა, რომ ეროვნული სააგენტოს შტატგარეშე მომუშავეთა რაოდენობა განისაზღვროს არაუმეტეს 47 ერთეულით, რომელთა ანაზღაურება განხორციელდეს საჯარო სამართლის იურიდიული პირის - საქართველოს სტანდარტებისა და მეტროლოგიის ეროვნული სააგენტოს კანონმდებლობით ნებადართული საკუთარი შემოსავლებიდან.
2. განკარგულება ძალაშია 2013 წლის 1 იანვრიდან.
პრემიერ-მინისტრი ბ. ივანიშვილი