საქართველოს მთავრობის
განკარგულება № 72
2013 წლის 21 იანვარი
ქ. თბილისი
საქართველოს თავდაცვის სამინისტროს მიერ სახელმწიფო შესყიდვის გამარტივებული შესყიდვის საშუალებით განხორციელების შესახებ
1. „სახელმწიფო შესყიდვების შესახებ“ საქართველოს კანონის 101 მუხლის მე-3 პუნქტის „დ“ ქვეპუნქტის შესაბამისად, სახელმწიფოებრივი და საზოგადოებრივი მნიშვნელობის ღონისძიებების შეზღუდულ ვადებში შეუფერხებლად ჩატარების მიზნით, მიეცეს უფლება საქართველოს თავდაცვის სამინისტროს 2013 წლის სახელმწიფო ბიუჯეტით გათვალისწინებული ასიგნებების ფარგლებში განახორციელოს 6 00 000 ლარის სახელმწიფო შესყიდვა გამარტივებული შესყიდვის საშუალებით.
2. ამ განკარგულების პირველი პუნქტით გათვალისწინებული შესყიდვა განხორციელდეს მხოლოდ სამხედრო ქვედანაყოფების შეუფერხებელი და გამართული საქმიანობის საჭიროებიდან გამომდინარე.
3 . ამ განკარგულების შესასრულებლად საქართველოს თავდაცვის მინისტრმა ინდივიდუალურ სამართლებრივი აქტით, მოქმედი კანონმდებლობის შესაბამისად, განსაზღვროს შესასყიდი საქონლის , სამუშაოს და/ან მომსახურების სახეობა, დელეგირების ფარგლებში შესყიდვების ხელშეკრულების ხელმომწერი შესაბამისი ქვედანაყოფების თანამდებობის პირები და მათ მიერ შესყიდვის განსახორციელებლად საჭირო პროცედურები .
პრემიერ-მინისტრი ბ . ივანიშვილი