|
| მუხლი 1 |
„ადგილობრივი თვითმმართველობის შესახებ“ საქართველოს ორგანული კანონის 22-ე მუხლის პირველი პუნქტის „თ“ ქვეპუნქტის, 43-ე მუხლის მე-2 პუნქტისა და „ნორმატიული აქტების შესახებ“ საქართველოს კანონის მე-20 მუხლის შესაბამისად, ,,სამტრედიის მუნიციპალიტეტის საკრებულოს აპარატის დებულებისა და სტრუქტურის დამტკიცების შესახებ” სამტრედიის მუნიციპალიტეტის საკრებულოს 2007 წლის 10 იანვრის №25 დადგენილებაში შეტანილ იქნეს შემდეგი ცვლილება: |
1.
სამტრედიის მუნიციპალიტეტის საკრებულოს აპარატის დებულების მე-4 მუხლს დაემატოს შემდეგი შინაარსის ,,ბ1“ ქვეპუნქტი:
„ბ1) მთავარი სპეციალისტი (საკრებულოს თავმჯდომარის მრჩეველი გენდერული თანასწორობის საკითხებში).“. |
2.
სამტრედიის მუნიციპალიტეტის საკრებულოს აპარატის დებულებას დაემატოს შემდეგი შინაარსის 84 მუხლი:
„მუხლი 84. მთავარი სპეციალისტი (საკრებულოს თავმჯდომარის მრჩეველი გენდერული თანასწორობის საკითხებში) მთავარი სპეციალისტი (საკრებულოს თავმჯდომარის მრჩეველი გენდერული თანასწორობის საკითხებში): ა) შეიმუშავებს გენდერული თანასწორობისაკენ მიმართულ სპეციალური პროგრამებისა და ღონისძიებების პროქტებს; ბ) მოქალაქეთა კონსტიტუციური უფლებებისა და თავისუფლებების განხორციელებისკენ, ასევე სოციალური სფეროს განვითარებისაკენ მიმართულ ადგილობრივი თვითმმართველობის პროგრამებში გენდერული თანასწორობის უზრუნველმყოფი ღონისძიებების ჩართვის შესახებ შეიმუშავებს წინადადებებს; გ) ახორციელებს საკრებულოსა და საკრებულოს თავმჯდომარის სამართლებრივი აქტების პროექტებზე ექსპერტიზას გენდერული თანასწორობის დაცვისა და უზრუნველყოფის მიზნით; დ) ამზადებს წინადადებებს საკრებულოსა და სამოქალაქო საზოგადოებას შორის ურთიერთთანამშრომლობის განვითარების შესახებ გენდერული თანასწორობის უზრუნველყოფის მიზნით; ე) საკრებულოს და საკრებულოს თავმჯდომარის საქმიანობის პროცესში ,,გენდერული თანასწორების შესახებ“ საქართველოს კანონის განხორციელების მიზნით ასრულებს სხვა ქმედებებს.“. |
3.
სამტრედიის მუნიციპალიტეტის საკრებულოს აპარატის სტრუქტურა ჩამოყალიბდეს შემდეგი სახით:
„სამტრედიის მუნიციპალიტეტის საკრებულოს აპარატის სტრუქტურა 1. აპარატის უფროსი; 2. მთავარი სპეციალისტი (საკრებულოს თავმჯდომარის თანაშემწე); 3. მთავარი სპეციალისტი (საკრებულოს თავმჯდომარის მრჩეველი გენდერული თანასწორობის საკითხებში); 4. მთავარი სპეციალისტი იურიდიულ საკითხებში; 5. მთავარი სპეციალისტი (სპეციალისტები) საორგანიზაციო საკითხებში; 6. წამყვანი სპეციალისტი (სპეციალისტები) საორგანიზაციო საკითხებში; 7. უფროსი სპეციალისტი (სპეციალისტები) საორგანიზაციო საკითხებში; 8. სპეციალისტი (სპეციალისტები) საორგანიზაციო საკითხებში.“. |
| მუხლი 2 |
დადგენილება ამოქმედდეს გამოქვეყნებისთანავე. |
|