საქართველოს მთავრობის
განკარგულება №803
2008 წლის 26 ნოემბერი
ქ. თბილისი
სსიპ – საქართველოს ჯანმრთელობისა და სოციალური დაცვის პროექტების განმახორციელებელი ცენტრის მიერ ქ. გორში, შპს „გორის სასწრაფო სამედიცინო დახმარების სამსახური 03“-ის შენობის სარემონტო სამუშაოების შესყიდვის ერთ პირთან მოლაპარაკების საშუალებით განხორციელების შესახებ
1. ,,სახელმწიფო შესყიდვების შესახებ“ საქართველოს კანონის მე-10 მუხლის მე-3 პუნქტის ,,ე“ ქვეპუნქტის შესაბამისად სსიპ – საქართველოს ჯანმრთელობისა და სოციალური დაცვის პროექტების განმახორციელებელმა ცენტრმა ერთ პირთან მოლაპარაკების საშუალებით განახორციელოს ,,საქართველოს 2008 წლის სახელმწიფო ბიუჯეტის შესახებ“ საქართველოს კანონით გათვალისწინებული „სამედიცინო და სამინისტროს სისტემის დაწესებულებათა რეაბილიტაციისა და აღჭურვის სახელმწიფო პროგრამით“ (ორგანიზაციული კოდი – 35 23 02) განსაზღვრული ქ. გორში, შპს „გორის სასწრაფო სამედიცინო დახმარების სამსახური 03“-ის შენობის სარემონტო სამუშაოების შესყიდვა 207 022 (ორას შვიდი ათას ოცდაორი) ლარის ფარგლებში.
2. განკარგულება ძალაშია ხელმოწერის დღიდან.
პრემიერ-მინისტრი გ. მგალობლიშვილი