საქართველოს მთავრობის
განკარგულება №798
2008 წლის 26 ნოემბერი
ქ. თბილისი
,,ათასწლეულის გამოწვევის კორპორაციასა“ და საქართველოს მთავრობას (წარმოდგენილი ფინანსთა სამინისტროს სახით) შორის 2005 წლის 17 ივლისს გაფორმებულ „კომპაქტის განვითარებასთან დაკავშირებული გრანტის ხელშეკრულებაში“ და „ათასწლეულის გამოწვევის კორპორაციას“, საქართველოს მთავრობასა (წარმოდგენილი ფინანსთა სამინისტროს სახით) და „ფონდი – ათასწლეულის გამოწვევა საქართველოს“ შორის 2005 წლის 17 ივლისს გაფორმებულ „კომპაქტის შემუშავების მიზნით განხორციელების ხელშეკრულებაში“ ცვლილებების შეტანის შესახებ
1. მოწონებულ იქნეს საქართველოს ფინანსთა სამინისტროს წინადადება ამერიკის შეერთებული შტატების მთავრობასა (რომელიც მოქმედებს ათასწლეულის გამოწვევის კორპორაციის სახით) და საქართველოს მთავრობას შორის 2005 წლის 12 სექტემბერს გაფორმებულ ათასწლეულის გამოწვევის შეთანხმების (,,კომპაქტი“) ფარგლებში ხელმოწერილ „კომპაქტის განვითარებასთან დაკავშირებული გრანტის ხელშეკრულებაში“ და „კომპაქტის შემუშავების მიზნით განხორციელების ხელშეკრულებაში“ ცვლილებების შეტანასთან დაკავშირებით.
2. მიენიჭოს უფლებამოსილება საქართველოს ფინანსთა მინისტრს ნიკა გილაურს, რომ საქართველოს მთავრობის სახელით ხელი მოაწეროს ,,ათასწლეულის გამოწვევის კორპორაციასა“ და საქართველოს მთავრობას (წარმოდგენილი ფინანსთა სამინისტროს სახით) შორის ,,საგრანტო ხელშეკრულების შესწორება №1-ს“ და „ათასწლეულის გამოწვევის კორპორაციას“, საქართველოს მთავრობასა (წარმოდგენილი ფინანსთა სამინისტროს სახით) და „ფონდი – ათასწლეულის გამოწვევა საქართველოს“ შორის ,,განხორციელების ხელშეკრულების შესწორება №1-ს“.
3. განკარგულება ძალაშია ხელმოწერის დღიდან.
პრემიერ-მინისტრი გ. მგალობლიშვილი