საქართველოს მთავრობის
განკარგულება №112
2007 წლის 1 მარტი
ქ. თბილისი
„იძულებით გადაადგილებულ პირთა – დევნილთა მიმართ სახელმწიფო სტრატეგიის შემმუშავებელი სამთავრობო კომისიის შექმნის შესახებ“ საქართველოს მთავრობის 2006 წლის 23 თებერვლის №80 განკარგულებაში ცვლილებების შეტანის თაობაზე
მუხლი 1. „იძულებით გადაადგილებულ პირთა – დევნილთა მიმართ სახელმწიფო სტრატეგიის შემმუშავებელი სამთავრობო კომისიის შექმნის შესახებ“ საქართველოს მთავრობის 2006 წლის 23 თებერვლის №80 განკარგულებაში შეტანილ იქნეს შემდეგი ცვლილებები:
1. განკარგულების სათაური ჩამოყალიბდეს ახალი რედაქციით:
„იძულებით გადაადგილებულ პირთა – დევნილთა მიმართ სახელმწიფო სტრატეგიისა და სამოქმედო გეგმის შემმუშავებელი სამთავრობო კომისიის შექმნის შესახებ“.
2. განკარგულების პირველი პუნქტი ჩამოყალიბდეს ახალი რედაქციით:
„1. საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის 29-ე მუხლის შესაბამისად შეიქმნას იძულებით გადაადგილებულ პირთა – დევნილთა მიმართ სახელმწიფო სტრატეგიისა და სამოქმედო გეგმის შემმუშავებელი სამთავრობო კომისია შემდეგი შემადგენლობით:
| გიორგი ხევიაშვილი | – | საქართველოს ლტოლვილთა და განსახლების მინისტრი, კომისიის თავმჯდომარე |
| მალხაზ აქიშბაია | – | აფხაზეთის ავტონომიური რესპუბლიკის მთავრობის თავმჯდომარე |
| გელა ბეჟუაშვილი | – | საქართველოს საგარეო საქმეთა მინისტრი |
| ალექსი ალექსიშვილი | – | საქართველოს ფინანსთა მინისტრი |
| კახა ბენდუქიძე | – | საქართველოს სახელმწიფო მინისტრი რეფორმების კოორდინაციის საკითხებში |
| ზინაიდა ბესტაევა | – | საქართველოს სახელმწიფო მინისტრი სამოქალაქო ინტეგრაციის საკითხებში |
| ალექსანდრე ლომაია | – | საქართველოს განათლებისა და მეცნიერების მინისტრი |
| პეტრე ცისკარიშვილი | – | საქართველოს სოფლის მეურნეობის მინისტრი |
| გიორგი ქავთარაძე | – | საქართველოს იუსტიციის მინისტრი |
| გიორგი არველაძე | – | საქართველოს ეკონომიკური განვითარების მინისტრი |
| ვლადიმერ ჭიპაშვილი | – | საქართველოს შრომის, ჯანმრთელობისა და სოციალური დაცვის მინისტრი |
| მერაბ ანთაძე | – | საქართველოს სახელმწიფო მინისტრი კონფლიქტების მოგვარების საკითხებში.~. |
3. განკარგულების მე-3 პუნქტის „ა“ ქვეპუნქტი ჩამოყალიბდეს შემდეგი რედაქციით:
„ა) უზრუნველყოს იძულებით გადაადგილებულ პირთა – დევნილთა მიმართ სახელმწიფო სტრატეგიასთან დაკავშირებით წინადადებების მომზადება და სტრატეგიის განხორციელების სამოქმედო გეგმის შემუშავება;“.
მუხლი 2. განკარგულება ძალაშია ხელმოწერის დღიდან.
პრემიერ-მინისტრი ზ. ნოღაიდელი